Aizawl | May 16, 2024: ZORO bul tumin, FMR ṭhiah tum leh Border fencing hung tum duh loh lantir nan vawiin chawhma dar 11 aṭang khan Zokhawtharah an pungkhawm. He hunah hian - Zirna in, sawrkar pisa leh sumdawnna hmun an khar.
He hunah hian Zokhawthar leh a chhehvel a cheng mi sang chuang an pungkhawm a, lungrual takin hun an hmang a ni.
ZORO bultumin vawiin chawhma dar 11 khan India Myanmar inkalpawhna gate bulah Foreign Movement Regime (FMR) ṭhiah tum leh Border Fencing hung tum duh loh lantir nan Zokhawthar-a India leh Myanmar inrina gate bulah an pungkhawm.
He punkhawm chhung hian, Zokhawthar-ah Zirna in zawng zawng, Sawrkar pisa leh sumdawnna hmun te khar vek a ni.
Zing dar 9 aṭangin sawrkar pisa leh zirna in zawng zawng bakah dawr zawng zawng an khar vek a. Hun hman chhung hian, Sumdawnna leh ramri bula insumdawn tawnna zawng zawng an titawp rih vek.
Hemi ang chiah hian, tiau ral leh lam khawmawi leh Rihkhawdar leh a chhehvela khua zawng zawng pawh, programe hman chhung hian sumdawnna zawng zawng an chawl vek bawk.
FMR ṭhiah tum leh Border hung tum dodalna hunah hian Zokhawthar leh a chhehvela cheng mi ṭhahnem tak an tel.
He punkhawm-ah hian Adviser to CM (Political) Lalmuanpuia Punte, MLA leh Champhai Sourth bialtu MLa Clement Lalhmingthanga te pawh an tel dawn a. Aizawl aṭangin ZORO President R Sangkawia hovin mi ṭhahnem tak an tel bawk.
FMR ṭhiah tum leh Border Fencing hung tum duh loh lantirna hi Vaphai-ah pawh an nei a. Mipui ṭhahnem tak an pungkhawm a ni.
• • • • • •
Scan Here to Donate!
Share it with your friends!
[Subscribe telegram channel for updates- https://t.me/exploremizoramchannel ]
[For Ads - Contact +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: