Committee on Estimates-in WDC-PMKSY 2.0 kaltlanga hnathawh enpui

Aizawl, 24th May, 2024: Vawiin khan Committee on Estimates, Mizoram Legislative Assembly chuan an chairman Dy. Govt. Chief Whip W Chhuanawma hovin Thingsulthliah RD Block hnuaia Thingsulthliah leh Sesawng khuaa Sihpui Zau leh Kaihlet Zau a WDC-PMKSY 2.0 kaltlanga Rural Development Department in Project a thawh tawh te leh thawk mekte, a hmunah a enfiahin spot study a nei.

Committee on Estimates hian he scheme hnuaia Project khawihte a en mai bakah, beneficiaries te ko khawmin, an inkawmho a. He scheme hnuaia hamthatna an dawn te bakah beneficiaries ten harsatna an tawh chungchangte an sawiho a, Committee chuan theihtawpa hma lakpui a tum thu a hrilh a ni.

Mizoram Legislative Assembly hnuaia Committee on Estimates-ah hian W Chhuanawma chu Chairman niin, Adviser to CM (Political) Lalmuanpuia Punte, C Ngunlianchunga, Robert Romawia Royte, Lalrintluanga Sailo, T Lalhlimpuia leh Jeje Lalpekhlua te chu member an ni.

Vawiin-a project endiknaah hian, Committee on Estimates hi an chairman W Chhuanawma hovin Lalmuanpuia Punte, C Ngunlianchunga, Robert Romawia Royte leh T Lalhlimpuia te an kal niin thu dawn a ni.