Aizawl | May 11, 2024: Boxing Academy dinna atana Sorkar in sum a sanction tawh; Nuai 26 a chingpen? Sorkar in MiZBA hruaitu te in sawifiah turin a ti.
Inkhel.com -in an tarlan danin, Sorkar in pawisa a sanction hi thlalak a lang ang khian kum 2019 daih kha a ni tawh. Nimahsela, tun thlengin academy din emaw an mamawh hmanrua lei hmuh tur a awm lo.
May 2023 khan an sum hmanna kimchang thehlut turin hriattir an ni. Sum hi Sports & Youth Services department kaltlanga a thawhkhatna 80% pek phawt an ni a. 10 Aug 2023 khan MiZBA President Pu C.Laltanpuina hnenah Rs.2,80,000/- pekchhuah leh a ni a, tihian Boxing Academy atana sum pekchhuah tawh zat chu Nuai 26 a ni. Nimahsela, vawiin thlengin MiZBA hian Boxing Academy hi a la din ta chuang lo!
He thil sum chingpen chungchang RTI Act hmanga zawhna an dawn avangin Sports & Youth Services(S&YS) Department chuan nimin(10th May 2024) chawhma dar 11 khan an Directorate ah insawifiah turin MIZBA hruaitute hi an kova, hruaitu nilai atangin an President Pu C.Laltanpuia leh Secretary General nilai Pu Saithangpuia Sailo te chiah an kal. MiZBA hruaitu hlui thenkhat koh tel an ni bawk. Sports & Youth Services Deptt. lam hi an Director Pu Lalnunhlua MCS hovin Pu C.Lalremsanga Jt. Director leh Pi Jenifer Chawngthu MSS Dy Director te an ni.
Sports & Youth Services Dept. hotu lawk te chuan MiZBA hruaitute chu Boxing Academy atana sum an release hnu kum 5 na ah pawh Boxing Academy din lova, Nuai 26 an hmanralna an zawt a, MiZBA hruaitute hian an chhang mumal thei lo. Sports & Youth Services Deptt. hotute chuan Mizoram Boxing Association(MiZBA) hruaitute chu May 2024 ral hma ngeia Nuai 26 an hmanralna Utilization Certificate leh Voucher te thehlut turin an hriattir. An insawifiah zawh loh chuan MiZBA hruaitute’n an tawrh zui a tul tur thu MiZBA hruaitute hi hriattir an ni bawk.
- inkhel.com
• • • • • •
Scan Here to Donate!
Share it with your friends!
[Subscribe telegram channel for updates- https://t.me/exploremizoramchannel ]
[For Ads - Contact +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: