ADFA II Division Season Ending Tournament Champion Hlimen

ADFA II Division Season Ending Tournament final chu 31, May ni 31, Zirtawpni khan  RG Stadium, Mualpuiah Hlimen chuan 4-3 a Zemabawk North hnehin an champion.

HLIMEN FC 4-3 ZEMABAWK NORTH FC

(Lalramdinsanga 18' 48', Rampianmawia 30' F Zosangliana 90')

(Lalawmpuia 31', Peter Lalrinhlua 45+1' Lalnunsanga 90+2')

Hlimen tan Lalramdinsanga chuan goal hnih a khung a, Rampianmawia leh F Zosangliana chuan goal khat ve ve an khung bawk. Zemabawk North tan Lalawmpuia, Peter Lalrinhlua leh Lalnunsanga te chuan goal khat theuh an khung.

First half-ah Hlimen tan Ramdinsanga leh Rampianmawia'n goal khungin sihnih faiin hmahruai mahse, Zemabawk North tan Awmpuia leh Petera'n  goal khungin an siphurh an rul a, 2-2 a inhneh tawkin chawlh lawk an hmang. 

Second half-ah Hlimen tan Ramdinsanga chuan an goal thumna khungin hma anhruai leh hnu huntawp dawnah Zosangliana chuan Hlimen tan an goal li na a khung leh bawk. Zemabawk North tan huntawp dawn added time-ah Lalnunsanga chuan an siphurh sut then mahse hun in a daih tawh lo. Hun atawp zui a, Hlimen chuan 4-3 a hnehna changin no mawi an chawi ta a ni.

FAIRPLAY : SAIKHAMAKAWN FC

TOP SCORER : Peter Lalrinhlua goal 9 (J No 23, Zemabawk North FC)

BEST PLAYER : C Lalmuanpuia (J No 10, Hlimen FC)