Siaha | April 4, 2024: Vawiin April 4, 2024 (Ningani) hian Siaha Bazar-ah MP (LS) Campaign pualin vantlang inkhawm neih a ni a, he hun hi MPF te kaihhruaina hnuaia hman niin Pi Lalrinpuii, Health Minister-in thu a sawi.
Pi Lalrinpuii chuan, "MPF awmna apiangah ZPM Party hi chu kan thla a muang thin a, Candidate-te tan a zangkhaiin, sum sen hautak tur min venpui a ni. Pathianin ram hruaitu turin mi ruat a nei thin a, tun hi ZPM Party tana chunglam hun ruat niin ka hria. Min enchhin rawh u tiin inthlahrung takin mipui kan ngena, mahse en chin main i lovin beiseina sang tak nen sorkarna min pe ta hi kan lawm hle a ni. Kumin MP inthlan ah pawh hian duhsak taka min hlan kai leh ngei kan beisei a, chutih rualin BJP sangawizawnpui MP kan nei leh ang tih hi thil hlauhthawnawm tak a ni a, kan ram leh kan sakhuaah nghawng tha lo tak nei thei a nih avangin kan fimkhur angai a ni, kan ram, kan hnam leh sakhua a dam theih nan tun MP inthlan lo awm turah hian kan vote-na tur hi kan chian a ngai a ni," a ti.
Pi Rinpuii chuan, "Tunge inthawhpui ang tiin min zawt fo a, keini chuan, ”Central sorkar-ah tu pawh sorkar se an bawihah tang lovin thianah siama thawhpui kan tum, anmahnia lut si lovin issue based in huai takin kan che dawn a ni," tih hi kan chhanna leh nghet taka kan dinna a ni. MP atana kan chhawp chhuah Richarh Vanlalhmangaiha hi vairama piang a seilian, vai tawng leh sap tawng mahni tawng ang maia thiam, vai ho nunphung leh zia hrechiang em em tu a ni a, Mizoram mipuiin kan mamawh engkim min thlensak theitu tur kan mi mamawh tak a ni," a ti bawk.
Pi Rinpuii hian ZPM zawm thar mi duhawm tak tak mi 708 lai lawmlutin heng zingah hian Ex-MDC pakhat leh VC Member Sawm pakhat te pawh an tel a, Theiri-ah Voter 126 lawmlutin hetah hian VC Member 2 an tel bawk. Tipa-ah mi 441 lawmlutin heng zingah hian VC Member 6 an tel bawk a ni.
He hun hi Prof Chawngkunga Chawngthu, Secretary, MPF in kaihruaiin, Rev.C.Beima Vice Chairman MPF in hunserh a hmang a. Pi Rinpuii hi ZPM General Headquarters atangin hruaitu thenkhat bakah Siaha District Headquarters hruaituten an ṭawiawm a ni.
• • • • • •
Scan Here to Donate!
Share it with your friends!
[Subscribe telegram channel for updates- https://t.me/exploremizoramchannel ]
[For Ads - Contact +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: