Aizawl | April 25, 2024: Tunhnaia Aizawl veng ṭhenkhata tui van chungchangah EXPLORE MIZORAM chuan Public Health Engineering (PHE) hotute a zawtchiang a.
PHE PHE Engineer In Chief F Liantluanga chuan, tunhnaia thli leh ruah thawk vangin Power supply a khaihlak nasa a, Aizawl tui mamawh tawk pump chhuah kawngah harsatna an tawh thu a sawi.
.jpeg) |
| thlalak hi tunhnaia mi a ni kher lo. Internet ami remchang dah mai a ni e. |
"Power Supply darkar hnih khat a khaihlak pawhin, mipui mamawh tur ang pump khawl a, ngaiawh leh tur chuan ni eng emaw zat te an mamawh leh ṭhin thu sawiin, tunhnaia thli tleh avangin Ni khat pumhlum power supply an khaihlak," tih a sawi.
Tlawngah chuan tui pump tur a la hnianghnar thu sawiin, power supply a harsatna an tawh vanga mipui kham khawp tui pump thei lo an nih thu a sawi.
"Aizawl tuilakna Phase II bika diesel engine hi a pahnihin a chhia a, an chah mek a, a la rawn thleng si lova. Power Supply a awm loh chuan, Phase II bik a tawp tawp mai a ni." an ti a. Khawl hi mamawh dan zira siam chawp zel a nih avangin an siam chhung leh a rawn thlen a, commission meuh chuan, thla 8 vel a mamawh ṭhin, an ti bawk.
"Khawl hi a hmanna tur zir zela siam a ni a, Hmun dang nen lo inhman thleng emaw, lo ṭawm ngawt theih a ni lo." an ti bawk.
PHE thuneitute chuan, tunah hian Aizawl khawpui chhung-ah hian tui Connection hi sing sarih leh sang riat chuang a ni a. Mipui khamkhawp tui an pe thei rih lo, niin an sawi.
Aizawl Water Supply Phase I leh II aṭang hian, ni tin liter maktaduai 30 bawr vel pump ang an ni a. Phase III hi la commission loh a ni a. Tuikhuah sirah hna thawh a la awm avangin, la commission loh a ni a.
Aizawl Water Supply Phase III hi tui liter Maktaduai 37 pe thei tura duan a ni.
PHE thuneitute chuan, "Mipui kan pung a, tui mamawhna a sang zel a, thawktu lamah thihna leh pension nen an kiam zel." an ti a. Kum 2014 aṭanga kumin thlengin thawktu kiamna hi 371 a nih thu an sawi bawk.
PHE Thuneitute chuan, Mipuite Leivung leh bawlhhlawh paih chungchangah fimkhur a, a paihna turah tak bawlhhlawh paih ṭhin turin an ngen a. Bawlhhlawh leh Leivung kan paih fimkhur loh hian Kan tui tlan, Tlawngah a luang lut leh ṭhin si a, keimahni bawk kan intihrehawm ṭhin tih an sawi.
• • • • • •
Scan Here to Donate!
Share it with your friends!
[Subscribe telegram channel for updates- https://t.me/exploremizoramchannel ]
[For Ads - Contact +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: