Taekwondo Belt Exam -ah April Lalianmawii chuan mark a hmu sang ber

Taekwondo Belt exam -ah April Lalianmawii chuan mark a hmu sang ber

Mizoram Amateur Taekwondo Association (MATA) chuan April ni 11, 2024 hian 1st Session Colour Belt Exam an buatsaih a,  Exam bul tanna Aizawl district-ah Club 11 atangin Taekwondo zirlai 141 ten exam tha takin an paltlang thei a ni. 

Aizawla exam buatsaihna pui ber, Electric Veng Hall-ah Yellow belt atang Red belt inkar mi 133 ten exam an bei a. Black belt exam thei tur inbuatsaih mek, mi 8 ten  Red-1 exam an bei bawk a ni. 

Exam hi Lalinpuia (2nd Dan Black belt) hovin Black belt H.Vanlalfela, Vanlalmawipuia, Vanlalthlenga ten uluk takin theory leh practical exam an endik a. Physical Fitness, basic technique, Hand & Leg technique, poomsae, self Defence, sparring, breaking, speed endurance te an exam a ni. 

Exam zingah blue one exam beitu April Lalianmawii, Upper Repulic veng,  Republic Veng Taekwondo Club zir mek chuan mak hmu tha berin exam ti tha ber lawmman a dawng.

Colour belt exam hi Myanmar International Medalist Olivia Thawngluai, Master VL Sawma, Master Joseph Thansanga, Senior Black Belt Lalrinawma Sailo, prominent Journalist F.Lalliansanga ten an hmanpui a ni.

1st Session Colour Belt exam hi district hrang hrangah chhunzawm a ni bawk ang.