Serchhip | April 5, 2024: Vawiin khan Serchhip New Venglai YMA Hall-ah ZPM Serchhip Block POLITICAL TRAINING neih ani a, he hun hi Pu R,Zakapa Vice President ZPM Serchhip Block in a kaihruai a, Pu Lalchhara Vice President ZPM Serchhip Block chuan hunserh a hmang. He hun hmanpuitu Bialtu MLA leh Mizoram Chief Minsiter ni bawk Pu Lalduhoma leh Pu Lalthazuala Royte Campaign Leader MIFCO Chairman ten thu an sawi.
Chief Minister Pu Lalduhoma chuan,”Tunhnaia zoram dung leh vanga thli leh ruah bakah rial thawk thutah khan Zoram dung leh vang hmun hrang hrangah mipui ten harsatna an tawk hi a pawi ka ti hle a, chutih lain Serchhip Bialah harsatna lian lutuk tawk an awmlo hi a vanneih thlak hlein ka hria. Tun hmain Khuarel chhiatna avanga in leh lo leh thildang chhiatna tuartu (victim) ten chhawmdawlna rei tak tak an nghah thin chu ZPM Sorkar hnuaiah chuan a hun takah pek an ni ta a, hei hi kalphung thar leh thil lawmawm tak a ni,” a ti.
ZPM Leader Pu Duha chuan,”ZPM party chu ruling party lo ni tawh rau rau ah kan danglam bik hle niin a lang, a tha zawng a Mizoramah Social Reform a thlentu ani chhoh mek tu leh puipunna leh party thil tihkhawmna ah zu leh ruihtheihthil ngaisang lo tu kan ni hi a lawmawm ka ti a, Mizoram politics ah Pathian ram a thleng chho mek a ni , ZPM a sawrkar veleh khan zoram mipui lawmin an auva, chuvangin mipuite hi kan tih beidawn ve a thiang lo. Kan Sorkar hma atang khan rorelna kan chan huna kan kal dan tur ruahmana fel tak kan siama, chu ruahmanna ang chuan vawiini thlengin kan la kal a ni. Ni 100 chhunga thawh tur kan ruahmante pawh Pathian hruainain that akin kan zo fel thei a, hengte hi kan that bik vang leh kan fel bik vang ni ngawt lovin thil tha lo ni a langte kan ti lova, thil tha ni a kan hriatte chu kan tih mai thin vang a ni. Ka Bial Serchhip mipuite chungah hian thinlung takin lawm thu ka sawi a, MLA Bye-Election atang tawha Mizoram tan example tha tak set tu in ni hi ka chhuang em em che u a ni. Kan hma lawk MP inthlan lo awm turah pawh hian kan MP Candidate Pu Richard Vanlalhmangaiha, party hruaitu ten lungrual taka kan rawn chhawp chhuah hi lo vote tling ngei turin ka sawm che u a ni,” a ti.
MP Election atana Serchhip Bial Campaign Leader Pu Lalthazuala Royte MIFCO Chairman ni bawk pawhin thusawiin, “Tun dinhmun ah Chhingchhip,Zemabawk(Near Bung bangla)ah leh Sairang ah MIFCO Centre 3 a awm mek a,Chhingchhip MIFCO Centreah Lakhuihthei leh Sapthei tur sawr mek a ni, Zemabawk Bungla bulah Sa talhna leh sawngbawlna pawh cheithat a, tangkai zawka hman tur a ruahman mek a ni, Sairang a Mineral Water Plant pawh a taka kalpui tur a chak taka kalpui mek a ni a, Mizorama thlai thar tute tan tangkai takin hma kan la chho zel dawn a ni. Chuvangin hmasawnna tluantling leh sawrkar ngialnghet kan neih theih nan kan hma lawka MP inthlan lo awm turah pawh hian kan Candidate hi in lo duhsak hle kan beisei a ni,” a ti.
• • • • • •
Scan Here to Donate!
Share it with your friends!
[Subscribe telegram channel for updates- https://t.me/exploremizoramchannel ]
[For Ads - Contact +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: