MFA Cup 2023-24: Lawngtlai DFA (MLS FC) in final an lut

Final hi April ni 13, Inrinni ah Aizawl DFA (FC Bethlehem) leh MLS FC (Lawngtlai DFA) ten an khel ang.

MFA CUP 2023-24 khelh mekah April ni 11, Ningani khan semifinal hnuhnung zawk CYL Ground, Lawngtlaiah khelh a ni a. Lawngtlai DFA aiawh MLS FC chuan 3-2 a Lunglei DFA (Venglai FC) hnehin final an lut.

Final hi April ni 13, Inrinni ah Aizawl DFA(FC Bethlehem) nen an khel ang.

2:30PM VENGLAI FC (Lunglei DFA) 2-3 MLS FC (Lawngtlai DFA)

(Lalthanzuala 21', Lalduhsanga Chhakchhuak 110') (Richard Rohmingliana 86', 99', B. Lalramthlengliana 91')

District aiawh pahnih te an an inhneh tawk hle a. Hun pangngaiah goal thum a lut a, hun pek belh anih hnuah gaol hnih a lut bawk.

Lawngtlai DFA tan Richard-a chuan goal hnih khungin Ramthlengliana chuan goal khat a khung bawk. Lunglei DFA tan Thazuala leh Duhsanga chuan goal khat ve ve an khung.

First half-ah Lunglei DFA tan minute 21-ah Thazuala chuan goal hmahruai a khung chu second half hun tawp dawnah Richard-a chuan an siphurh sutna goal a khung a, chak zawk awmlo in 1-1 in hun an hmang zo.

Hun pek belh a ni a, Lawngtlai DFA tan Ramthlengliana chuan gaol khat khungin Richard-a chuan an goal hnihna a khung zui a, Lunglei DFA tan Duhsanga chuan goal khat khung ve bawk mahse an siphurh an sut zo thei ta lo a. Lawngtlai DFA chuan 3-2 in hnehna an chang zui a, final an lut ta a ni.