Aizawl | April 21, 2024: Lawngtlai District Students' Association (LDSA) chuan, Lai Autonomous District Coubcil (LADC) hnuaia LADBSE CEM's Best Teacher Award dawngtu mi pahnih; L Vanchhawng (Model English School) leh F Lalrambeiseia (Headmaster Mampui Primary School-I) chu lawmpuina thuziak an hlan.
Pi L Vanchhawng LADBSE CEM's Best Teacher Award (Middle School) dawngtu chu Dt.20.4.2024 khan, LDSA te chuan a chenna in Lawngtlai vengpui ah, he award a dawn lawmpuina thuziak hi an hlan a. He hun hmanna ah hian Pi.L.Vanchhawng chuan Best Teacher Award a dawng thei chu a lawm thu sawiin, LDSA ten Best Teacher Award a dawn avanga lawmpuina thuziak an hlan chu, zirlai pâwl an nih anga zirtirtu an chawimawina ah lawmthu a sawi bawk a ni. LDSA Secretary Gabriel Zochhawna chuan he hun hmanna ah hian Pi L Vanchhawng chu zirtirtu entawntlak a ni tih sawiin, a hun taka school kala, a hun hma a haw ngailo anih thute leh, school naupangte tana inpe zo tak a nih thu sawi bawkin, LDSA aiawhin lawmpuina thuziak hi a hlan a ni.
F Lalrambeiseia LADBSE CEM's Best Teacher Award ( Primary School) dawngtu chu LDSA te chuan Dt.21.4.2024 khan a chenna in Mampui khua ah he award a dawn lawmpuina thuziak hi an hlan bawk a. He hun hmanna ah hian F Lalrambeisei chuan, Best Teacher Award a dawn chu Pathian malsawmna leh a thawhpuite tawiawmna avang anih thu sawiin, LDSA in zirlai pawl an nih anga lawmpuina an hlan chu phulo a intih rualin, lawmawm a tih thu a sawi bawk a ni.
He hun hi LDSA President F Lalkulhchungnungan kaihruaiin, LDSA Finance Secretary Stephen K Vanlalfakawma bakah, Samuel Laldawngliana leh Lalramenga Vanchhawng te he hun hmanna ah hian an tel bawk a ni.
• • • • • •
Scan Here to Donate!
Share it with your friends!
[Subscribe telegram channel for updates- https://t.me/exploremizoramchannel ]
[For Ads - Contact +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: