INNGHAHNA TLAK LOAH INNGHAT SUH

_I Nun Thiltum Puanchhuahna_

-  Rick Warren 

-  April 9, 2024

“Thil lawilo dawt mai mai ngaihsak tute chuan anmahni ngilneihna chu an hawisan a ni.” (Jona 2:8)

Harsatna kan tawh chuan a chinfel vat dan kan ngaihtuah thin a, kan natna min chhawk dan tur kan ngaihtuah thin a ni.

Chhungkua atangin pakhat zel an kiam a. An sum leh pai a lo tlachhia a. An eizawnnain a tuar a. An taksain a lo tlin lo va. Engkim an hnuchhawn a, an harsatna chingfel turin thil tam tak an ngaihtuah a. Pathian dil nachang hre lo vin, kawng dang an dap ta thin a ni.

Pathian tanpuina dil ai chuan, thil dang kawng dang kan dap fo thin a ni.

Jona ngei pawh kha nghapui kawchhunga a awmlai khan hei hi a ngaihtuah a ni. Chuta a tawngtaina chu, “Thil lawilo dawt mai mai ngaihsak tute chuan anmahni ngilneihna chu an hawisan a ni.” (Jona 2:8)

Tunlaiah chuan milem biak tur kan kawl tawh lo kan ti maithei e. Nimahsela kan la kawl tlat. A thenin car kan biaa. A thenin kan in leh lo leh, kan thawmhnaw te kan bia a ni. A thenin sum leh pai, hausakna leh larna te an be bawk a. Pathian aia kan dah pawimawh thil hi kan biaka chu a ni.

Kan harsatna sutkian dan tur tha ber chu Pathian khawngaihna hi a ni. Thil dang khaw dang kan hawi apiangin milem kan bia tihna a ni.

Kum kalta khan chhungkuain chawlh kan hmang a, lung leh leilung thil zirna lam ka tui vang a ni. Lung chi hrang hrang an dahkhawmna hmunah kan kal a. Harsatna hrang hrang sukiang thei awmna nia an sawi lunghlu awmna lamah chuan kan kal a. An sawi danah chuan chu lunghlu chuan lungawina leh inrintawkna a pek theih bakah mahni invenna leh finna kawng thlengin min pui thei a ni an ti. 

Nimahsela, chung thilte chuan min puih loh turzia ka hrechiang a ni. 

Dik tak chuan, lunghlu te chuan hei hi min hriatchhuahtir zawk a, Rom 1:25 ah chuan, “Pathian thutak chu dawta chantirin, a siamtu biak aiin a siama chu biain a rawng an bawl ta zawk a.”

Pathian aiin thil dangin i harsatna a chingfel theia i rin chuan, thil siam hmuh theihah i innghat tihna a ni a. Siamtu biak aiin a siama chu biain a rawng i bawl zawk tihna a ni. 

Jona kha nghapui kawchhunga a awm lai khan, thil siam lam a hawi lo. Pathianah innghatin - Pathian a lo inrawlh ta a ni. 

Chutiang chiah chuan nangmahah pawh a ti ve dawn a ni.

Ngaihtuah zui atan

* Beisei a bo vek laiin eng thil ber nge biak chakawma i hriat? 

* I milem biaka chu englaiah khan nge bansan har ber? 

* In khawtlangah eng milem biak nge hluar bera i hriat?

*Khawiah nge i chatuan hmun i hman dawn?*

Kan vai hian kan sual vek a – mahse Pathian chuan a hmangaihna leh ngaihdamna a lantir a. Bible chuan vanram chu Pathian rinna Fapa, Isua Krista kaltlanga in neih chauhin in lut thei ang a ti a. Vanram chu nangmaha i hlawhchhuah mai theih a ni lo. “Rinna avanga khawngaihnaa chhandam in ni; nangmahni thawhchhuah a ni lo va, Pathian thilpek a ni; thiltih avang a ni lo ve, chuti lo chuan miin an chhuang dah ang e.” Ephesi 2:8-9

I sualna te i puang duh a niha, i nunah Isua i thlang duh a nih chuan, heti hian tawngtai ang che.

“Lalpa, thu min tiam angin, Isua ka ring a nih chuan, ka tihsual zawng zawngte min ngaidam dawn a, ka nun awmzia te ka zir ang a, engtik niah emaw chuan i chatuan in nuamah min lo pawm ve ngei dawn a  ni.

“Ka sualnate ka puang a, ka Lalpa leh Chhandamtu atan Isua hi ka pawm e. Isu, i hnung zuia, i rawngbawl ka duh e. Ka nun tlawm tak hi ka hlan che a, i angchhunga min pawma min chhandam ve turin ka dil a che. Amen”

Hetianga i tawngtai a nih chuan, Rick@PastorRick.com ah hian email min lo thawn la. Isua nena zinkawng i zawh tanna atana pawimawh te a thlawnin ka lo thawn ang che.

*[Lettu: Sangpuia]*