Aizawl | March 22, 2024: ZPM Candidate Richard Vanlalhmangaiha chuan vawiin chhun khan Returning Officer hnenah Lok Sabha MP inthlan lo awm tur atan nomination thehlut.
Lok Sabha inthlanpui 2024 atan vawiin March ni 22, 2024 tlai dar 3 thlenga RO, I-Mizoram (ST) Parliamentary Constituency hnena nomination thehlut mi pakhat a awm.
Richard Vanlalhmangaiha (45), Venghlui, Aizawl, Mizoram, Zoram People's Movement party chuan vawiin chhun khan RO Office, DC Aizawl ah nomination a file a ni
Chanchinthar lakhawmtute zawhna changing Pu Richard Vanlalhmangaiha chuan,“Ram tan theihtawpin ke kan pen dawn a, sawrkarin a duh ang taka a kalpui theih tur mi chak leh tha tak nih ka tum a, MP candidate dangte pawh mi tha leh chak tak tak an ni, amaherawhchu Pathian leh mipui zarah tlin ngei kan inbeisei a ni,” a ti a, “Pathian zara kan lo tling a nih chuan Mizoram Sawrkar nen a ke pen rual tur kan ni a, Central lama kan project-te chak taka bawhzui ka tum a, sum tam thei ang ber State sawrkar tana hnuhchhuah hi ka thil tum a ni,”a ti bawk. Central lama zawm tum a neih leh neih loh chungchanga zawh belhna chhangin, “Pathian zara ka tling a nih chuan khawi lamah nge ka thut anga, khawi lam nge ka vote ang tih chu kan party thu thu a ni ang,” a ti bawk.
Pu Richard Vanlalhmangaiha hi Pu Lalliansawta, President, ZPM General Headquarters leh Pu Lalduhoma, Chief Minister, bakah ZPM General Headquarters hruaitu thenkhat ten an tawiawm a ni.
• • • • • •
Scan Here to Donate!
Share it with your friends!
[Subscribe telegram channel for updates- https://t.me/exploremizoramchannel ]
[For Ads - Contact +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: