THIANGHLIMNA KAWNG ZAWH HI SETANAN A HLAU

 Hmuh Theih Loh Indona

Rick Warren

Mar 6, 2024

"Chutichuan in kawng chu thutaka hrengin felna awm phaw ha ula.” Ephesi 6:14

Setanan min beihdawn hian thil kan tisual hranpa lem lo. Anih phung reng anih avangin min bei a ni. Bible chuan, “kan uanute hektu,”a ti (Thupuan 12:10). Isua hmangaihte beih bak thildang engmah a ti lo. 

Kan nun bawlhhlawhna avang hian Setanan min zuam sawt thin a. Kan thianghlimlohna denchhenin Setana chu kan thinlungah lo lutin min khalh kal thin a ni. Thlemnaah te min hruai lut a, zahmawh rawngkai te ennawm leh lehkhabu leh fakna te thlengin Pathian ram tana ke penna tur kawng min dal thin a ni. 

Chuvangin Paula chuan Setanan min beihnaah hian felna awmphaw hi kan hak a pawimawh a ti. Ephesi 6:14 ah chuan, "Chutichuan in kawng chu thutaka hrengin felna awm phaw ha ula.” 

Rom sipai indonaa kalte chuan an awm veng turin awmphaw an ha ziah thin. Tu sipai mah awmphaw ha lo vin indonaah an kal ngam ngai lo. 

Keini pawh awmphaw ha lo in kan kal tur a ni lo. Paula chuan felna emaw thianghlimna chu kan awmphaw nise a ti. Pathian hnenah thinlung thianghlimna leh rilru thianghlim kan dil chuan, felna awmphaw kan ha tihna a ni.

Setanan mi famkim ni lovin - thinlunga thianghlimte a hlau zawk, thil dik tih duh mi leh thinlung thianghlimte a hlau a ni. Mi thianghlimna kawng zawhte chuan an hlau tur a ni lo va. Setanan anmahni chu a hlau zawk a ni!

Thianghlimna chu famkim tihna a ni lo va. Tumah famkim an awm lo. Pathian chuan thiltih kawng tinrenga famkim ni lovin, thinlung thianghlim a beisei zawk a ni. Chumi awmzia chu thil i tihsual chuan, siamthat i duh ang hian. Thianghlimna kawng i zawh loh chuan i chhungkuaah te, sumdawnnaah te leh kawng tinrengah malsawmna i dawng thei lo vang. 

Entirnan, duhamna lamah i rilru i hawn chuan, Setanan i chhiah chawina leh kawng dangah bumnaah a hruai thei che. Chapona thinlung i neih chuan Pathian pawmpui nih aiin mihring te fakna awka umin i buai zawk ang. 

Chu chuan khawi kawngah mah a hruai lo che. Thinlung thianghlim i neih loh chuan Setanan a bei awlsam ang che. Setana beihna ata chu chak taka i awm kher a tul lo va, nimahsela Pathian ralthuam felna hmang chuan i inthuam mai tur a ni zawk.  

Ngaihtuah zui atan

* I nun engkawngah nge thianghlimna kawngah chaklohna i neih? Chumi kawngah chuan eng nge i tih theih?

* Pathian i chawimawi theihna tura thinlung thianghlim i nih theihna turin tunge i sawm ang le?   

* Felna tih chu mahni induhkhawplohna lam a kawk maithei a, nimahsela thianghlimna umna a ni. Engtin nge i rilru chu i in enin i infiah theih ang?

[Lettu: Sangpuia]