NE Olympic Games 2024 | Mizoram Infiammite an che tha; Mizoram dinhmun a tha rih!

Aizawl | March 19, 2024: NE Olympic Games 2024 neih meka Mizoram dinhmun a tha rih a, Mizoram dinhmun hrang hrangte i lo bihchiang ang.

Football : Mizoramin Santosh Trophy phuba lain Manipur 4-0 in an sawp. Mizoram tan F. Lallawmkima'n goal hnih a khung bakah Malsawmfela leh Lalbiakhlua (Hlutea) ten goal khat ve ve an khung. Mizoram team hi Police coach Lalbiaksanga Colney kaihhruai a ni.

2. Wushu : : ITI Veng nula Lalmuanzami'n 52 kg-ah final a lut. Mipa inelnaah Vanlalremruata (52 kg), Nazareth Lalthazuala (56 kg) leh C. John Denise (70 kg) ten semifinal an lut. Hmeichhe final leh Mipa semifinal hi March 20, Nilaini-ah khelh a ni ang. David Lalremruata erawh 80 kg-ah quarterfinal-ah a tla.

3. Athletics : 100m-ah Esther Zonunsangi (Siaha- 14.15 sec) leh Vanlalthleipuii Chhangte (East Lungdar - 13.87 sec) te heat-ah 5-na ve ve an ni a, final an thleng zo lo. Mipa 100m-ah Letjakai Lenthang (Republic Veng) in final an lut a, 10.99 sec-ah thlengin pangana a ni. Nicholas VL Hmangaiha (Seling) chu 11.33 sec-ah thlengin heat-ah pangana a ni a, final-ah a tel pha lo.

4. Lawn Tennis : Team event-ah Meghalaya 3-0 in an hneh. Singles-ah Lalrinpuia leh Basil L Khuma te an chak a, doubles-ah JH Lalhruaizela & Calvin Lalremsiama te an chak bawk. March 20, Nilaini chawhma dar 9:00 hian Assam an hmachhawn leh ang. Individual-ah JH Lalhruaizela'n Nagaland aiawh Nagaland chu 6-7 (3-7), 3-6 in a hneh lo.

NorthEast Olympic hi Sports Cast Youtube channel-ah live a pekchhuah a ni.