Aizawl | March 4, 2024: MZp chuan, College zirtirtu lak dan chu duhsak zawngte thun theihna remchang kawng zau tak hawnna niah an ngai.
Thuchhuah siamin he thu hi an tarlang a, "MZP chuan, Mizoram College hrang hrang-a thawk tur Assistant Professor lak dan kalpui thin dan chu duhsak zawngte thun theihna remchang kawng zau tak hawnna nia a hriat avangin a kalphung (system) hrim hrim pawh siamthat nise a duh a, ngun taka ngaihtuahna seng a, ennawn turin leh a thiam apiang an luh theihna turin thuneitute a ngen nghal a ni," an ti.
Mizo Zirlai Pawl (MZP) General Headquarters Extended Office Bearers chuan vawiin 4th March 2024 chawhnu dar 1:30 khan MZP Pisa Pui-ah meeting neiin, college Assistant professor lak dan felhlel chungchang a rel a. Meeting hi MZP President Pu H Lalthianghlima'n a kaihruai.
Meeting chuan, tunhnaia College Assistant professor lak danah thil felhlel awm nia hriat chungchang a ngaihtuah a, a tul anga chhui zui a hmalak nise a ti.
MZP chuan, kan zirlaipui Pawl 10 exam hmachhawn lai hmaituam tu tih hriat lohin Chemte-in a pumah a vit tih a hriaa, he thil thleng hi MZP chuan pawi a ti tak zet a. Hetiang thil duhawm lo hi thleng nawn tawh lo se a duh tak zet a. MZP chuan zirlai chhiattawk hi a tawrhpui zia lantir nan a kan bawk.
Zirlai chunga Pawi khawihtu hi a rang thei ang bera man chhuak a, a phu tawk hremna pe ngei turin MZP chuan thuneitute a ngen nghal bawk a ni.
• • • • • •
Scan Here to Donate!
Share it with your friends!
[Subscribe telegram channel for updates- https://t.me/exploremizoramchannel ]
[For Ads - Contact +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: