Aizawl | March 22, 2024: Mizoram Merchant Association (MIMA) chuan nimin khan Chief Minister Pu Lalduhawma hmuin Mizo ram leh hnam tan ILP Board din nise tiin rawtna an thlen.
MIMA chuan, vawiin khan thuchhuah siamin, Mizo thenkhat te, sum tlemte uma vai hnena hming hawhtir tawh lo turin an ngen a. Vai hnena hming hawhtir hi Mizo hnam hralhna-ah an ngaih," thu an tarlang.
MIMA chuan, "ILP enkawltu board hran a awm hi a hun hle tawhin, ILP pek danah leh pek tawhten an ngaihsak zui loh thin avang te, an ILP dam leh dam loh ngaihtuah zui a ni lovin, Sponsor-tute lahin an ngaihtuah zui bawk si loh chungchangte CM hnenah hian thlen a ni a. Mizoten dan tha tak kan neih 2yrs. Validity ILP, hnamdang tana neih hleih theih loh turte pawh hnamdang nei tam tak an awm tawh thute an thlen a. ILP renew lova awm ta mai mai an tam avangin, Mizoram in ILP hmanga sum a hmuh tur pawh a hmu pha lo hleah a ngai a ni. Dan lova lo lut an tam tak lutuk avangte hian ILP Board hi din tul hle tawh a ni." an ti.
Mizoramah dan lova lo lut hnamdang(vai) an tam ta hle mai a, heng mite hian Mizoram hmun hrang hrangah sumdawngin dawr an siam mai bakah, mizo hming hawhin dawr an siama, Iron and Cement zuarah ngat phei chuan, mizo hming hawha vaiin dawr an siam hi dawr 90 vel a ni tawha hriat a ni. Kan Mizopui thenkhat te, sum tlemte uma vai hnena hming hawhtir tawh lo turin a ngen a. MIMA chuan hei hi mizo hnam hralhna ang hialah a ngai a ni.
Myanmar lam atangin kan unaute raltlanin an rawn awm a, sumdawnna te khawihin an rawn an sumdawng bawk a. Ruih hlo a hluar phah hle bawk niin a hriat a. A pawi kan tiin a tha lo kan ti hle a, heng dan lova Mizorama rawn lut, duh duha sumdawnna rawn bunte hian chhiah an pe lo a, nasa takin Mizoram sorkar hian a sum hmuh tur a hmu lo nia hriain a tih tawp dan kawng zawnsak turin Chief Minister ah hian an thlen a ni.
Chief Minister in MIMA te hun tha tak min pea min lo dawnsawn a vangin kan lawm hle a. Kan CM Pu Lalduhawma chungah pawh lawm thu kan sawi mawlh mawlh bawk e.
• • • • • •
Scan Here to Donate!
Share it with your friends!
[Subscribe telegram channel for updates- https://t.me/exploremizoramchannel ]
[For Ads - Contact +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: