Lalbiakzama, MPS (Retd) hi March 1, 1960 khan Aizawl Venghlui-ah a piang a. Mizoram buai tirhteah a nu in Silchar lamah a pi Kai\hiangi hnenah a tlan thlakpui a.
Vairamah seilianin kum 1979 khan Mizoram-ah an rawn chuang chhuak leh a. English leh Hindi thiam nal tak a ni a, hnamdang dawr tura mahni inrintawkna nei leh tawnhriat ngah a ni.
Kum 1988 kumtirah Mizoram Police Service a zawm a. Kum 1989-ah Saiha-ah Probation a hmang a, he mi hnu kum 1990 kumtir a\angin Khawlian khuaah HPC Operation hotu in post a ni a. Kum 1992 kumtirah Champhai SDPO ah dah a ni.
Hemi hnu hian Mizoram hmun hrang hrangah awm kualin, kum 1998 July thla khan UN Mission Bosnia ah a kal a. Bosnia khawpuiber dawttu Tuzla-ah an Police Station pakhat enkawltu hna a chelh a ni.
Kum 2000 kumtirah Lunglei 2nd Battallion-ah Deputy Commandant in dah a ni leh a, kum 2002 kum tawpah UN Mission Kosovo ah a kal leh a.
Kosovo UN Mission-ah hian Induction Training Center (UN a thawk tur Police Officer te Mission-a an awm chhunga an hnathawh dan tur kaihhruaina hmun) ah General Instructor hna a thawk a.
A bika UN SAT Team (United Nations Selection Assistant Team) a tel thei tur - khawvel ram hrang hrang a\anga UN a thawk tur Police Officer te thlangtu training paltlangin Turkey khawpui Ankara-ah UN SAT Team-ah a tel bawk.
Mizoram Police Officer UN Mission a vawihnih kal thei tlemte zingah telin, a thil tawn leh hriatte ziahna lehkhabu 'BALKANS RAMAH - UN REMNA VAWNGTU THUKHAWCHANG' tih chu kum 2006 khan a tichhuak nghe nghe. Kum 2022 June thla khan lehkhabu dang Sorkar hna a thawhlaia a tawnhriat leh tunlai India ram kalphung thlirna 'DAWN KIR CHANGIN' tih lehkhabu a tichhuak leh bawk.
Kum 2004-ah Lawngtlai SP ah awmin kum 2005 kumtirah Serchhip SP ni tura sawn a ni leh a, heta \ang hian kum 2008 June thlaah Aizawl Traffic SP ah dah a ni.
Aizawl Traffic a ho lai hian thil thar eng emaw zah a siam a, chung zingah chuan Raj Bhawan North Gate Junction leh Temple Square Traffic Channelling, Road Marking hmanga lithei tlan dan thar, kawng peng leh kawng kual laia Convex Mirror dah, lirtheia Rear View Mirrors te hman \angkai dan leh a \ul lova horn pek uar lo tura zirtirtu hmasa a ni. Krismas leh Kumthar vuakveta Chanmari leh Zodin inkar No Vehicle Zone hman ngaihtuaha kalpui hmasa ber tu a ni bawk.
Kum 2012 June thlaah Home Department-ah Joint Secretary a post a ni a, Home Department-ah hian a pension thleng awmin Secretary thlenga kaisangin Mizoram Police Service a\anga Home Secretary ni hmasa ber a ni.
Home Department-ah hian Mizoram nghawng hna khirhkhan leh harsa tak tak khawihin an hmachhawn a, chung zingah chuan Bru helho ten mi an rukbo leh mahni duhthu a raltlan laklet (Repatriation) chungchang (Mizoram Home Minister Chamber a ALL NGO leh Political Party te nena Meeting neihnaa 'Bru zinga kawhmawhbawl lui tlatte chu atam thei ang ber hnutchhiah kan tum ang titu kha amah hi a ni) Sorkar leh Tripura sorkar aiawhte nen vawi eng emawzah meeting neiin Mizoram team te a ho \hin a ni.
Assam Rifles Zokhawsang lama sawnchhuah chungchangah pawh Ministry of Home Affairs, New Delhi a meeting a kal a, 31st May 2019 a an chhuahsan tur a ni tih thupek rawn hawntu kha a ni bawk.
Mizoram sorkar leh HPC 'D' te remna zawnga inbiaknaah Mizoram aiawh Team Leader niin hlawhtling takin inremna an ziahpui thei a, he mi zarah hian Sinlung Hills Council a lo piangta a ni.
Mahni phaktawka pa dik leh hnathawhna lama ti mai mai lo a ni a. |ha leh dik nia a hriatah chuan pute leh minister te pawh an hmaichhana hnial ngam mai \hin a ni. Tin, meeting nikhuaah te pawh a ngaihdan tlangtaka sawichhuak ngam \hin a ni bawk.
Mizoram Police Service Association ah \um thum President-ah thlan tlin a ni a, a pension thlengin president nihna a chelh a ni.
Lalbiakzama hian a nupui Laldingliani nen fapa pathum leh fanu pakhat an nei a. Model veng, Aizawl-ah an cheng mek a ni.
Source: MPCC
• • • • • •
Scan Here to Donate!
Share it with your friends!
[Subscribe telegram channel for updates- https://t.me/exploremizoramchannel ]
[For Ads - Contact +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: