I PAWN LAM LANDANIN I CHHUNGRIL A MIL EM

_Hmuh Theih Loh Indona_

*I PAWNLAM LANDANIN I CHHUNGRIL A MIL EM?*

Rick Warren

Mar 5, 2024

"Chutichuan in kawng chu thutaka hrengin felna awm phaw ha ula.” Ephesi 6:14

Rinawmna a pawimawh hle mai. Bible chuan, “Kan buante hi tisa leh thisen an ni si lo, lalnate leh, thuneihnate leh, he thim chunga khawvel roreltute leh, van hmunahte thlarau sualho awmte an ni zawk e” a ti. Ephesi 6:12. Kan rinawm loh chuan thlarau hrang hrang min beitute chu kan do let thei lo vang.

Chuvangin, kan nun kawng tinrengah, kan sukthlek zawngah te, sum leh pai leh inlaichinnaah te thlengin Pathian Thu tak chu kan lak a ngai a ni. 

Chuvang chuan Paulan thlarau indona hmanga min hualveltu te kan beih hmain kan kawng chu thutakin kan hreng tur a ni a ti. "Chutichuan in kawng chu thutaka hrengin felna awm phaw ha ula.” Ephesi 6:14

Thutak kawnghren chuan engkim a tawn khawm a. Thutak tel lo chuan i tlusawp ang a, thlarau thimna chuan a rawn luahlan ang.

Thutak kawnghren chu rinawmna nen kan hreng tur a ni. Rinawmna chu thil pakhat atanga lo chhuak a ni. I nuna rinawmna chu chhang hlawm hrang a ni lo va. Chhang hlawm khat ang kha a ni.

Rinawmna nun vawng turin, thutak chu i hria a ni satliah lo va. I nunpui a ni. I kawnghren ang deuhin, rinawmna chuan a tinghet che a. Harsatna i tawh lai pawhin a chelh reng che a. Chakna a pe che a ni.

That derna hi rinawmna hmelma lian ber a ni. Thutak hriaa kan tih duh loh hian kan tha der tihna a ni. Kan thusawi leh kan thiltih chu a inmil ta thin lo a ni.

Chutiang chu a hlauhawm a. I nun kawng tinrengah rinawmna i tlakchham chuan Setana tan beih i awlsam sawt ang. I nun chu kawng hrang hrang - kohhran, chhungkua, hnathawhna leh a dangah te a khairual loh chuan - rinawmna i hloh tihna a ni. I nun chu a inkhai rual si lo va.

I nun chu a chau tawng khawng em? Thimna chuan i nun indonaah chuan hnehtu a niin i hria em? Nun chawhpawlha i nun chuan a ni zel ang.

I rinawmna chu ennawn la. A remchang emaw remchang lo emaw thutak kawng hren chu hreng tlat la, tichuan Pathian Thuin a zirtir che chu i nunah i hmang chhuak zel thei ang.

Ngaihtuah zui atan

* I nun eng kawngah nge Pathian Thu zawm chu a awlai emaw a harsat le?

* I nun i chawhpawlh hian engvangin nge Setanan beih che a awlsam em em?   

* Engvangin nge i rinawm hian zalen taka i nun theih?

*Khawiah nge i chatuan hmun i hman dawn?*

Kan vai hian kan sual vek a – mahse Pathian chuan a hmangaihna leh ngaihdamna a lantir a. Bible chuan vanram chu Pathian rinna Fapa, Isua Krista kaltlanga in neih chauhin in lut thei ang a ti a. Vanram chu nangmaha i hlawhchhuah mai theih a ni lo. “Rinna avanga khawngaihnaa chhandam in ni; nangmahni thawhchhuah a ni lo va, Pathian thilpek a ni; thiltih avang a ni lo ve, chutilo chuan miin an chhuang dah ang e.” Ephesi 2:8-9

I sualna te i puang duh a niha, i nunah Isua i thlang duh a nih chuan, heti hian tawngtai ang che.

“Lalpa, thu min tiam angin, Isua ka ring a nih chuan, ka tihsual zawng zawngte min ngaidam dawn a, ka nun awmzia te ka zir ang a, engtikniah emaw chuan i chatuan in nuamah min lo pawm ve ngei dawn a  ni.

“Ka sualnate ka puang a, ka Lalpa leh Chhandamtu atan Isua hi ka pawm e. Isu, i hnung zuia, i rawngbawl ka duh e. Ka nun tlawm tak hi ka hlan che a, i ang chhunga min pawma min chhandam ve turin ka dil a che. Amen”

Hetianga i tawngtai a nih chuan, Rick@PastorRick.com ah hian email min lo thawn la. Isua nena zinkawng i zawhtanna atana pawimawh te a thlawnin ka lo thawn ang che.

[Lettu: Sangpuia]