Govt T Romana College-in NCC Best College Award dawng

*NCC North East Region Awarding Ceremony Govt. T. Romana College in an Award an dawng* :

Aizawl | March 15, 2024: Nimin Ni 14.3.24 (Ningani) khan NCC North East Region Directorate Awarding Ceremony, Brahmaputra Hall, Narangi Cantonment, Guwahati ah neih a ni a. He hunah hian Northeast Region huam chhunga zirna in leh NCC cadets ti țha(best performance) ti ṭhate chawimawina hun buatsaih a ni.

Mizorama zirna in zingah Best College dawngtu chu Govt T. Romana College a ni. He hun ah hian Govt. T Romana college Principal, Dr Jennifer Lalbiakdiki in Best College lawmman hi a dawngin,Best School in Mizoram dinhmun ah St Johns Hr Sec School, Kolasib chu thlan a ni bawk.

Tin, NCC cadets, ANO, Girls Cadet Instructors (GCI), PI Staff ti ṭhate chawimawina hun buatsaih ani bawk, he hun hi NCC a India rama NCC hotu lian ber, Director General Lt. Gen. Gurbilpal Singh, PVSM, AVSM, VSM in a hmanpui.

Category hrang hrang awm atangin lawmman hi Mizoramah Best ANO(Male) Flying Officer Dr Lalrintluanga Sailo, Govt Serchhip College in a dawng a, Best ANO (Female) ah Third Officer R Vanlaltanpuii, St John Higher Secondary School Kolasib in a dawng bawk ani.