Art & Culture Minister in Mizoram State Museum a tlawh

Aizawl | February 9, 2024: Art & Culture Minister Pu C.Lalsawivunga chuan vawiin khan State Museum, MacDonald Hill, Aizawl a tlawh a. Thawktute kawmin Museum chhung hmun hrang hrang a endik.

Art & Culture Minister chuan Mizo thil hlui vawn that kawngah Museum enkawltu Curator and staff leh Art & Culture Department chu an fakawm tih a sawi a. Museum hmunhma tha taka vawnfai a ni chu lawmawm a tih thu a sawi bawk.

Mizo Hnam rohlu vawnhim leh chhawm nun kawngah theihtawp chhuah zel tur leh tan la sauhsauh turin Art & Culture Department thawktute a fuih a. Museum tih hmasawna tihchangtlun zel dan tur pawh Curator and staff te a sawipui nghal bawk a ni.

Pi Carol VLMS Dawngkimi Director Art & Culture leh Deputy Director Pu Lalchuailova leh Curator Pu C Lalruatfela ten Minister hi museum gallery an fan pui a. He hunah hian Department in Museum a enkawlna atana thil tul te pawh sawiho pah nghal a ni.