SIM HI ENG NGE A AWMZIA

_I Nundan Thlirlet La_

Rick Warren

Jan 16, 2024

"Chuvangin in sualte thai bo a nih theih nan sim ula, hawi kir leh rawh u, chutichuan Lalpa hnen ata harh hunte a lo thei ang.”Tirhkohte 3:19

Thenkhatah chuan, “sim” han tih hian tawngkam a tha lo lam a kawk deuh tlat a ni. 

Mi tamtakin he thu hi an hriat hian, mi pakhat hian inralrinna ziak a lo kengin “inlamlet emaw hawikir” a hun a, khawvel tawp a hnai tawh a ni tih a sawina ah an ngai thin. 

Nimahsela khawvelin simna a ngaihdan nen chuan a inpersan hlauh va. Anihna takah chuan “simna” chuan a tha lam a kawk a, khawvela thumal hmasawnna lam hawi duhawm takte zing a mi a ni.

“Sim” han tih hian i rilru i thlak tihna a ni a. Thil tha lo tih i bansan hi a ni lo va - chu chu a rahchhuah a ni zawk. Simna chu tunhmain kawng khata i ngaihtuah thin kha tunah chuan kawng dangin i ngaihtuah ve ta tihna a ni.

Thil sual i ngaihtuah thin a, tunah chuan ngaihdam duhna thinlung i nei tawh a ni. Midangte chhiatna leh lungnihlohna tur i ngaihtuah thin a, tunah chuan remna thu i ngaihtuah tawh a ni. Mahni hmasial duhna thinlung i nei thin a, tunah chuan midang hmasa ve se i ti ta. I duhdan chauh i ngaihtuah thin a, tunah chuan midang rawngbawl i ngaihtuah ve ta. Pathian chu a nihna ang takin i ngaihtuah a - ngilnei leh hmangaih Pathian  a ni. Pathianin a hmu reng che angin i ngaihtuaha - hlutna leh chhan neiin i ngaihtuah a ni. Nun hian awmzia diktak eng nge a neih tih i ngaihtuah ta a ni.   

Simna chu Isua ngaihtuah anga i ngaihtuah ve tan chiah hian a ni. Thim ata engah sima i luh hian, i thil tih chak i tih loh ringawt kha a ni lo va. I tana thil pawimawh chauh i tihna hi a ni zawk a chhan chu i rilru chuan thil pawimawh ber a ngaihtuah tawh si a. Simna chu khawvela danglamna duhawm ber chu a ni.

Harhthar i duh em? Natna emaw thihna emaw channa emaw atanga tihchak thar i mamawh em? Simna i mamawh a ni. I sim chuan, Pathian awmpuina leh hlimna leh lawmna tak tak i chang ang.

Ngaihtuah zui atan

*Engvangin nge miten simna hi an ngaihnatloh nia i hriat? I nun atan eng nge a pawimawhna nia i hriat?

* Pathian chenchilhna chuan engtin nge kan nun a tihharh?

*Tirhkohte 3:19 i chhiar a. Pathian hnena hawikirnaah chuan engchen nge simna hi a inrawlh?

*Pathian hnena hawikir chu i inpeih em?*

He ṭawngṭaina hmang hian bul han ṭan teh le: "Lalpa, ka thih hunah i hmaah ka chanchin ka sawi dawn tih ka hria e. Ka phatsan ṭhin che tih ka hria a. I chungah thil ka tisual tih ka hria a, i duhdan ni lovin ka duhdanin ka nung tih ka hria e. Chu chu vawiin hian thlak ka duh a ni. Sual kawng zawh tawh lova i hnung zui ka duh e. 

"Ka tan thi tura Isua i lo tirh avang leh chumi zara chatuan nunna ka neih theih avangin ka lawm e. Min ngaihdam ka phu lo tih chu mahila, i khawngaihna chauhin min chhandam thei tih ka hria e.

"Isu, min hmangaih nasat em avanga ka sual zawng zawng i phurh avangin ka lawm e. Vanram hmu tlakah min siam a, min chhandam turin ka ngen a che. Tuna ka nun chawk buai mektu ka sualna leh chin ṭhan ṭha lo lak ata min chhanchhuak turin ka ngen a che. Isu, ka ra ring che a. Tunah ngei hian, chiang takin, ka pumin chatuan atan vanrama min hruai turin i thutiam i hlen ang tih ka ring. Isua hmingin, Amen. 

Isua pawm tura i ṭawngṭai a nih chuan Rick@PastorRick.com ah hian min rawn bia la, Isua nen zinkawng in zawh dunna atana thil ṭulte ka lo thawn dawn che nia.

*[Lettu: Sangpuia]*