NGAIHDAMNAAH CHAUH CHUAN TAWP SUH

_I Nundan Thlirlet La_

Rick Warren

Jan 19, 2024

"Kei erawh chuan ka hrilh a che u, in hmelmate chu hmangaih ula, a tiduhdahtu che u chu tawngtaisak rawh u.” Matthaia 5:44

Isua anga ngaihtuah tih awmzia chu nangmah tinatu che ngaihdam hi a ni.

Kraws ah pawh Isuan a ngaidam a ni. Luka 23:34 ah Isua sawisaa khengbettute hnenah, “Ka Pa, anni hi ngaidam rawh; an thiltih hi an hre lo a nih hi,” a ti a ni.

I nunah tu in nge tina ber che? Tu nge i huat ber? I ngaihdam theih loh avangin eng na nge i tuar mek?

I na chu i pai reng chuan, nangmah in intina zel tihna a ni. Mi i ngaidam tur a ni, an  phu vang ni lo vin, Pathianin a ngaihdam che avangin. Nangpawh chu ang chuan ti ve turin a beisei che a ni. Khakna leh hrehawmna nangmaha a awm zel loh nan i ngaidam tur a ni. Ngaihdamlohna chu tur in zeta midang a tihnat daih beiseina ang hi a ni.

Isuan a ngaidam fo thin, nimahsela ngaihdamnaah chauh a tawp lo va. Entirna tha tak a sawi zel a, "Kei erawh chuan ka hrilh a che u, in hmelmate chu hmangaih ula, a tiduhdahtu che u chu tawngtaisak rawh u,” a ti a ni. Matthaia 5:44

Ngaihdam ringawt chu a tawk lo va. Pathianin sual chu thatnaa thungrul turin a duh a, nangmah tinatu chu malsawm turin a duh che a. An thatna tura tawngtaisak turin a duh che a ni.

Engvangin nge chu chu i tih ang? A chhan chu Isua ang rilru put chu a hrisel ber a, a hlimawm ber a, mi dang damna atan a tha ber a ni.

Khawvel rilru i put chuan, nun liamta avanga tuarin i awm ang. 

Krista rilru i put erawh chuan, ngaidam tur leh malsawm turin i zalen thung. Zalen takin hmalam i pan thei ang a, chhandamnaah chuan i him ang a, beiseina nung i nei ang.   

Ngaihtuah zui atan

*Thlarau lama thang zel turin eng natnain nge dal che? 

* Mi dangin i ngaihdamna chu an pawm angai em, nge ngaidam turin inrem phawta tawngtaisak i duh zawk? Evangin, eng nge a chhan?

*I thiltih avang emaw midang thiltih avanga ngaihdam theih loh thil a awm em? I thiltih avanga Pathianin a hmangaih nep deuhna tur che a awm em? I thiltih engvangin a chhanna i pek?

*[Lettu: Sangpuia]*