NEXT G LAN EVENTS SEASON 2 BGMI CHAMPION TEAM FLICK (Rip Mizo Gaming)

Aizawl | Jan 14, 2024: Next G leh Mizoram Esports Organization tangkawp buatsaih NEXT G LAN EVENTS SEASON TWO BGMI tournament chu January ni 13 zan khan R. Dengthuama Hall, Mualpui, Aizawl ah a hmawr bawk na neih niin he tournament hi Lan Events a khelh niin Champion thei tura rinkai ber Team Flick(Rip Mizo Gaming) te chuan overall points 135 an hmu chiang taka hneh na chang in Champion nomawi bakah pawisa fai cheng nuai khat an dawng.

Next G Lan Events tournament final hi ni hnih khelh niin technical problem hrang hrang avangin a nikhat na hi online in an mahni in atanga khelh tir an ni a. Amaherawhchu, team thenkhat erawh chuan a hmun R. Dengthuama Hall atanga an khel bawk a. He tournament hi pawisa an sem chhuah zawng zawng hi BGMI bikah hian cheng nuai 2 lai a ni a. Final day 2 leh a tawp zan ah hian a hmun a entu an tha hnem hle in hall an luah khat mawi hle a ni.

He tournament a champion team - Team Flick te hian final ah hian consistent taka khel in team dang tan el pha tur chuan an la sang deuh tih an lan chhuah tir chiang hle a. An mahni hnaih ber tu aiin points 29 lai a sang fal in champion nomawi hi an chawi ta a ni. Champion team IGL Lalbiakzuala Pachuau (Flick Yt) chu Best IGL a thlan niin a teammate Nirvana chu Most Valuable Player (MVP) atan thlan a ni bawk. Next G Champion team – Team Flick te line up dang tho MSSC ESPORTS RISING CUP 2023 nomawi kawl tu Rip Mizo te pawh Pali na niin an ni hian cheng singkhat an hum haw ve bawk a ni. Rip Mizo Gaming Family te chuan an fans Red Army te chungah an tawiawm na zawng zawng ah thinlung takin lawmthu an sawi a. Anmahni avanga tun dinhmun thleng hi an nih tih an in hriat thu leh kawng engkim ah Red Army te support na an la mamawh zel tur thu leh support zel turin an sawm in an ngen bawk a ni.

Fak phu Bz-a Pachuau : Mizoram e-Sports hmanga vawi tamtak lo ti hming tha tawh tu Bz-a Pachuau(Flick Yt) chu Next G Lan Events tournament ah Best IGL atan thlan niin Bz-a hi Mizoram a BGMI player zingah chuan achievement ngah ber leh sulsutu hmasa ber pawl niin amah avang hian India ram a team lian dang ten Mizoram an lo hmelhriat phah tawh bawk a ni. Bz-a hi a bul tan tirh chuan mi dawr a in hlawh chawp leh khawilai a mi wifi ring chunga khel chho niin tunah chuan Mizoram mai nilo NorthEast India PUBG/BGMI tournament awm zawng zawng deuh thaw ah hlawhtlinna chang chho tawh in a hlawhtlinna chang zawng zawng hi ziak vek sen pawh a ni tawh lo a ni.