Aizawl | Dec 20, 2023: Vawiin khan District Court, Aizawl chuan tualthattu, IPC 302 hnuaia thiam loh chan tir Laldinthara, S/o J. Biakthanga (L), Khawruhlian Vengchung chu a hremna tawrh tur puan a ni.
Court chuan Laldinthara, S/o J. Biakthanga (L), Khawruhlian Vengchung chu dam chhung lungin a tang tur leh pawisa cheng 10,000 chawi turin a hrem.
Hemi bakah hian, Court chuan ATM suasamtu Emmanuel Lalbiakzauva s/o PC Chhuahkhama (L) of Bawngthah chu Kum khat chhung lungin tang tur leh cheng nuai 5, sing 6 chawi turin a hrem bawk.
Mission Vengthlang YMA ruahmannain May 18, 2023 chawhma dar 10 khan Mission Vengthlang mipuite chu an veng pa Lalsangzuala, Chhiahtlang leh Bukpui inkara mi kuttuara a thihna an demzia lantir nan an pungkhawm a. A rang thei ang ber leh a na thei ang bera tualthattu hrem an phut.
Tualthahna duh loh punkhawmah hian Mission Vengthlang Local Council leh YMA bakah tlawmngai pawl dang aiawh te te bakah mitthi chhungte aiawh ten thu an sawi.
Khawruhlian VC leh tlawmngai pawl hrang hrang te pawhin thuchhuah intawm siamin, he tualthahnaa mawhphurtu nia hriat, Khawruhlian khua nia inchhal Laldinthara chu an dem thu leh an khaw leilung a rah pawh an remtih tawh loh thu an tarlang.
Khawruhlian khawtlang chuan tualthattua puh Laldinthara chu Khawruhlian khua atanga pem tawh, electoral roll-ah pawh chuang tawh lo, Khawruhlian khaw mi nihna nei tawh lo a nih thu an thuchhuahah chuan an tarlang bawk.
Tarlan tawh angin Lalsangzuala (31), Mission Vengthlang, Aizawl chu May 16, 2023 zing dar 5 vel khan Chhiahtlang leh Bukpui inkar, kawng thlangah thi-a hmuh a ni a. He thil thleng chhui tura din din, Serchhip SDPO kaihhruai Special Investigation Team ten ngawrh taka chhui zuiin, May 17, 2023 chawhnu lam khan he thil thlenga mawhphurtu Laldinthara (42), Khawruhlian Vengchung nia inchhal chu an man ta a ni.
Thudawnnain a sawi danin, tualthattua puh hian a pawi a khawih hnu ah Maxi-Cab hmangin Aizawl pana, Maxi-Cab a a chuanpui ten a chezia leh nungchangah te rinhlelhna an neih avangin chhui zui a ni. Hnuchhuitu Police ten Aibawk-a an chawlhna hotel-a CCTV te uluk taka an ennawn hnu ah tualthatu ni ngeia ringin ngawrh takin an chhui zui zel a, nimin chawhnu lam khan an man ta a. Tualthattua puh Laldinthara hi pawikhawihna dangah pawh lo inhnamhnawih tawh thin, thubuai pawh lo nei fo tawh a ni.
February ni 18, 2023 -a Republic Veng ATM Bomb hmanga beitu Emmanuel Lalbiakzauva (kum 24) Bawngthah khua, Ramhlun North a cheng mek chu Feb 22, 2023 khan Gelatine leh hmanraw dang nen man a ni.
Khang huaia Aizawl SP C Lalruaia sawi danin, pawikhawihtu hian Aizawl hmun hrang hranga SBI ATM a bei thin a, an man lai hian Saikhamakawn ATM beih a tum lai niin a kal kualna atana a hman thin Bike hi January thlaa Kulikawn veng atanga a ruk a ni.
Emanuel Lalbiakzauva - 25 Ramhlun North
Ela hi Bawngthah aṭangin nikum Aug. a kan venga in rawn luah YMA ah pawh pem lehkha rawn pe thlap a ni. Nizan an inluahnah kan zuk kal a, a lo inkalh ṭhiap a. An in neitute inah kan leng ta zawk a, a nau hmeichhe tleirawl kum 15/16 vel nen a khawsa an ni. A pain a boral san tawh a, a mah hi chhungkaw chawmtu a ni. A nu hi kum 60 + vel hrisello leh hna thawk theilo ani awm e, chhungkaw harsa tak an ni. A nau hian lehkha pawh zir lovin a u rawn awmpui a, a theih dan danin mi in tifai ten a inhlawh ṭhin. A ṭap a ṭap a, zanin chu a thlabar nen an chhungte hnen Bawngkawn-ah a riak phei a ni awm e.
Vawiin a ü tang tur an va hmuhna ah, pawsa kan harsa si a Ukil rawih nan cheng khat pawh lo seng lo ula, ka tang quit ang e a ti ni awm tak a ni. Mittui tla chungin, in rawn kal theih hmasak berah Bible min lo ken dawn a nia, a ti a ni awm e.
Ela-a an ti mai a, hi tlangval fel tak 2 Wheeler Taxi a eizawng, service a tam tak vang leh hmasawn zawk duh vanga Bank loan a Motor dang @Picup lei ruahman mek a nih hmel. Bank Loan a beisei ve niawm tak a ni.
A mah hi zuk leh hmuam, ruihtheih thil ti ngailo, fihlim niin an in luahna Pu Muana te hian min hrilh bawk. March ni 8 2023 hian nupui neih a tum bawk. Ni 7 a man hlan tura ruahman a ni.
A chanchin ril tak hrelo mah ila, ka khawngaihin, ka rilru a kal thui ngei mai.
- Machama
Dt. 24.2.23
(Khawngaihin, i lo share darh ve ngei dawn nia aw!)
• • • • • •
Scan Here to Donate!
Share it with your friends!
[Subscribe telegram channel for updates- https://t.me/exploremizoramchannel ]
[For Ads - Contact +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: