CHHUN KHAH NGAIIN I AWM EM?

_Hun Khirh Tak Kara Ke Pen Dan_

*CHHUN KHAH NGAIIN I AWM EM?*

Rick Warren

Dec 6, 2023

"Nangni thawk rim leh phurrit phur zawng zawngte u, ka hnenah lo kal ula, keiman ka chawlhtir ang che u. Ka nghawngkawl bat ula, ka hnenah zir rawh u; thuhnuairawlh leh rilrua inngaitlawm tak ka nih hi; tichuan, in thlarau tan chawlhna in hmu ang. Ka nghawngkawl chu a nuam a, ka phur pawh a zanga  ni.” Matthaia 11:28-30

I lungawi a nih ngawt loh chuan i nunah engmah danglam tur a awm lo. Hetiang hian i sawi tawp a ngai a ni, “Hetiang renga nun hi ka peih tawh lo. Ka duhtawk tawh a. Ka danglam tawh dawn. Thil tha ka ti tawh dawn.”

A chang chuan i nuna thil lo thleng te, i ngainat loh zawng te thil te pawh, a dodal zawnga chet te a har thin, a chhan chu mawl mang taka a lo thlen thin vang te pawh a ni. 

A hrehawmna lai a awm a, a nat chang pawh a awm - thil thar a ni lo.

I duhthlanna avang a i nuna thil thleng te avangin hrehawm ti khawpa i awm chuan, Isua hnen pan nghal rawh.

Mahni inbun ruak a - nun ruak, thinlung ruak leh kut ruaka Isua i pan chuan engtin nge a lo chhan ang che? Enngmah pek tur che kan nei lo tia kan hrilh chuan engtinn nge min chhan ang?

Min hau vin min vin lo vang a. Min hnuk hniamin min paihthlak a tum bawk hek lo vang. Chumi letling thawk chu a ni ang.

Isuan Matthaia 11:28-30 ah chuan, "Nangni thawk rim leh phurrit phur zawng zawngte u, ka hnenah lo kal ula, keiman ka chawlhtir ang che u. Ka nghawngkawl bat ula, ka hnenah zir rawh u; thuhnuairawlh leh rilrua inngaitlawm tak ka nih hi; tichuan, in thlarau tan chawlhna in hmu ang. Ka nghawngkawl chu a nuam a, ka phur pawh a zanga  ni,” a ti. 

Pastor anga kum 40 ka thawh chhung khan, mi sang chuang ka titi pui atanga ka thil hmuhchhuah chu, mi in danglamna an neihna chhan chu: tuarna, thlirdan, leh duhthlan tur neih loh vang te a ni.

Mi tam tak chu hrehawm an tuar phawt loh chuan danglam an tum lo va. I tlakchhiat phawt loh chuan paltlang i thei lo thin! Kan chapona, kan nunrawnna leh intodelh nia kan inhriatna hi a tlakchhiat phawt loh chuan, mahnia ti theia kan inhriat chhung chuan kan harhchhuak thei lo thin.

Tlakchhiatna hi a ni kaltlang tura kalkawng pawimawh chu. Isua hnenah lo kal la, Thlarau Thianghlim leh chhandam beiseina chuan a chhung khat ang che a. A hawisan ngai lo vang che.

Ngaihtuah zui atan...

* I nun a kehchhe tawh em? Isua hnenah inpumpek tur leh tanpui dil turin eng nge i hrilh ang?

* Chapona tlang sang atang min hnuk hniam turin engvangin nge harsatna a lo thlen thin nia i hriat?

* Thlarau Thianghlim hnuaia i chen loh chuan, i nun chu engang nge ni ang?

*[Lettu: Sangpuia]*