Old Pension Scheme a let leh vek kan tum

Aizawl | October 3, 2023: MPCC President Lalsawta chuan, "Kan sawrkar chuan, state tam takin tih an tum mêk ang bawkin Sorkar hnathawkte tan Old Pension Scheme a let leh vek hi a ṭha zawkin kan hria a. Old Pension Scheme a let leh vek kan tum a ni." a ti.

Mizoram Pradesh Congress Committee (MPCC) President Lalsawta chuan vawiin khan Aizawl Press Club-ah thuthar thehdarhtute kawmin he thu hi a sawi.

Lalsawta chuan, "Old Pension Scheme hian ṭhat tâwk lohna leh sorjar sum a heh tih hre mah ila, sorkar hnathawkte hi kan duhsak a ni. A ṭul chuan, Mizoram hian Mizoram Pension Rules pawh kan siam a ngai mai thei a ni." a ti bawk.

Lalsawta chuan New Pension Scheme ah hian sum a hek tih sawiin, "New Pension Scheme atan hian nuaih 647 zet mai sawrkarin budget ah a dah" a ti bawk.

Lalsawta chuan, "Sakhaw zalenna nuaibo tumtu BJP hi hnawl ang u," a ti a. "BJP hian sakhaw tih bik neiin sakhaw dang vuantute min nekchep chho mek zel" tiin, "Dan hlauhawm CAA 2019 leh Forest (Conservation) Amendment Act, 2023 dan te an siam a, Uniform Civil Code chu pass leh an la tum mek," tiin a sawi bawk.