Mizo kristian film, 'Awma ka ni' tlangzarh a ni ta; Show kalpui an tum

Aizawl | October 27, 2023: Mizo Kristian Film thar 'Awma ka ni' chu nizan October 26 zan dar 8 khan Vanapa Hall-ah tlangzarh a ni ta.


Tlangzarh pual hun tawi hmanah hian Mizoram Home Secretary H Lalengmawia chu khuallian a ni.

A tlangzarhnaah hian sawm bik leh ticket leia lut ten an en a, ticket an siam zawng zawng an hralh zo vek niin thu dawn a ni.


Film en a kalkhawm ṭhalaiten hmuhnawm an ti hlawm hle a, a hmuna en a manhla an ti hle.


He film hi a taka thil thleng leh Exodus 3:14 beh chhana siam niin, Nula pakhat vanduaina nasa tak tawk chanchin a ni.


He film buatsaih nan hian harsatna leh buaina karah kum thum lai an lo vahvaipui tawh a ni.

He film hi Film siam lam a sulhnu lo nei nual tawh, Cinematographer Kima Renthlei (obG production) kutchhuak niin, Zothanpuia Sailo (Mr Bond Entertainment) produce a ni.

Director leh script writer hi Vanlalawmpuia (Opix Renthlei) Dawrpui vengthar a ni a, Film industry lamah sulhnu la nei lo mi thar a ni.

A story hi kum 2020 khan cell phone hmanga ziah chhuah niin, Kum 3 lai an lo vahvai pui hnuah nizan khan tlangzarh a ni ta a ni.

 
A changtute zingah hian Film lamah sulhnu nei tih tham an awm lova, Film industry ah chuan mi thar deuh vek an ni. A changtute hi Pc Lallawmzuali, Jasmine Chinzah, Jonathan Lalpeksanga Colney, Lalkunga Chinzah leh Ozaka Joute an ni a. Social media leh acting lama hriat hlawh sa leh sulhnu nei pawl chu Lawmzuali, Jasmine Chinzah leh Ozaka Joute an ni.


He film tlangzarh zanah hian mipui nawlpuiin an en theih nan cheng 100 manin ticket an buatsaih a ni.

Show kal pui tura duan a ni a, Lersia Playah pawh dah an tum bawk a ni.


Khua leh veng hrang hranga show duh tan +918794172252 ah director biak theih a ni.








• • • • • • 
Scan Here to Donate!

Share it with your friends!

[Subscribe telegram channel for updates- https://t.me/exploremizoramchannel ]

(Feedback at: admin@exploremizoram.com )

[For Ads - Contact +919402125273 ]


Post a Comment

He post chungchanga i ngaihdan lo sawi ve rawh:

Previous Post Next Post