BJP-in SEDP a eirukna awm chhuitu tur din tum

Aizawl | October 27, 2023: BJP National President JP Nadda chuan vawiin tlai dar 5 khan Hotel Regency-ah BJP Vision Document 2023 a tlangzar.

He an vision document-ah hian BJP in an hmalak tum dan an tarlang a, eirukna do turin 'Special Investigation Team' dinin, SEDP a eirukna awm chhui an tum.

SEDP a eirukna awm chhui turin Special Investigation Team din an tum a, Sawrkar pawisa enkawlna dik lo chungchangah White Paper tihchhuah an tum bawk.

Tourism tihhmasawnna atan cheng Vaibelchhe 250 hmanga 'Mystical Mizoram' Brand siamṭhat leh, Vangchhia Archeological site chu UNESCO World Heritage status tihngheh chu an tih tum zingah a tel a.

Lotus Family ID pechhuakin huapzo hmasawnna thlen an tum a, inluahman tlawm, chatlak lova electric eng pek leh pipe water connection pek, zirlaite hnenah nuai 10 thleng short term free loan pek a tel a, Vaibelchhe 950 hmanga Mizoram Rural Infrastructure Development Mission din, Siaha Aspirational District a siam te a tel a ni.