AN PAWM VE FO TAWH CHE AVANGIN, MI DANG PAWH PAWM VE RAWH

Hmangaihna Nen Ni 40

By Rick Warren 

— Oct 3, 2023

“Pain mi pek zawng zawng ka hnenah an lo kal vek ang; tupawh ka hnena lo kal chu ka hnawt chhuak tawp lo vang.” Johana 6:37

Isua zuitute chu mi dang pawm thiam thei ber anni tur a ni - a chhan chu mi dangte pawm zin ber an nih vang a ni. Johana 6:37 ah chuan, Pain mi pek zawng zawng ka hnenah an lo kal vek ang; tupawh ka hnena lo kal chu ka hnawt chhuak tawp lo vang. 

Krista chu i nunah i lo pawm tawh maithei a, nimahsela a pawm ve che tih hi i hrethiam em? Tu nge i nih tih leh eng nge i tih thin a ngaihtuah lo va, Pathian a nih vang zawkin a hmangaih che a ni.

Tita 3:7 ah chuan, “Chutichuan, a khawngaihnaa thiam chantira lo awmin, chatuana nun beiseina ang zela roluahtu tura siamin kan awm thei ang,” a ti. Engtin nge Isuan a pawm mai theih che? I danglam thut emaw i tha ta thut emaw a ni lo va. Sualna i neih ngaih loh vang pawh a ni hek lo. A khawngaihna avang chauh a ni e.

Pathianin midangte chungah khawngaihna leh pawmna lantir turin a duh che a. Nimahsela, mi nawlpuiin pawmna leh remtihna hi an ngaihfin thin a ni. An danglam daih a. Isuan i pumin a pawm che a, chu chuan i thil duh zawng i tih apiang a remtih sak che tihna a ni lo.

Ni khat chu Isua kawtthlera a kallaiin sakhaw hruaituten uire lai an man an rawn hruai a, chu chu Isua hekna tur an hmuh theih nan an ti a ni. Hektute hnenah chuan, “In zinga sual nei lo apiangin amah chu lungin deng hmasa rawh se,” a ti a. Johana 8:7. Chuvang chuan pakhat khatin an relh chhuak ta zel a. 

Engtin nge Isuan a tih? Isuan a lo pawm a, mahse a remtihpui kher lo. A thil lo tihsual tawh chu a remtihpui lo va, mahse hmeichhia chu a pawm a, a zahawmna a vawnhim sak a ni. 

Chutiang chiah chuan midangte chungah pawh i ti tur a ni. Mi thil tih apiang i pawm tur a ni lo va. Mahse i pawm vek tur a ni - chu chu hmangaihna chhinchhiahna a ni.

Bible in Rom 15:7 ah, “Chuvangin Krista chuan Pathian tihropui nan a lawm che u ang bawk khan inlawm tawn rawh u,” a ti. 

Engtin nge i tih ang? Midangte pawm dan kawng khat chu an thu ngaihthlak hi a ni. Hmangaihna chuan midang a ngaihsak si a. Hmangaihna chuan hlauhna leh rinhlelhna te a ngaihthlak saka zahawm takin a enkawl thin.

Hmangaihna chuan Isuan a pawm angin midang a pawm thin. 

Ngaihtuah zui atan

* Pathianin a pawm che a. Chu hriatthiamna chuan engtin nge midang chungchang leh an duhthlanna siamte ah te i ngaihdan a tih danglam?

*I hun liamtawh avang emaw i nungchangah emaw eng thilin nge Pathianin a pawmna che pumhlumin ila pawm theih loh?

* Midang thiltih i remtihpui vek lo anih pawhin, engtin nge midang chungah hmangaihna i lantir ang?

[Lettu: Sangpuia]