Saitual District Level Red Ribbon School Quiz Competition buatsaih

Saitual the 1st September 2023: Vawiin khan Saitual District Level Red Ribbon School Quiz Competition chu Keifang Venghlun YMA Zawlbuk-ah neih a ni.

He Red Ribbon quiz competition hi District Aids Prevention Committee leh Mizoram State Aids Control Society tangkawp a huaihawt a ni a. Saitual khawpui chhunga middle atanga High school 12 te an tel a ni.

Khuallian Lallawmawma, ADC Saitual District chuan HIV/AIDS darh zel tur chu kawng chi hrang hrang a ven a pawimawh takzet a ni, a ti a. Quiz intihsiakna buatsaih chu a hlutzia sawiin HIV/AIDS natna dona kawnga thangtharten awareness an neih theihna tura ruahmanna tha tak a ni, a ti. Zirlai naupang kalkhawmte chu an hmalam hun kal zel turah hlawhtlinnna nei turin duhsakna a hlan bawk.

National AIDS Control Organization (NACO), Ministry of Health & Family Welfare chuan HIV/AIDS chungchang thalaite zinga inhrilhhriatna hmanrua pakhat atan state tinah zirlai naupangte tan quiz competition buatsaih ni se a ti a. Hemi atan hian Mizoramah pawh Mizoram State AIDS Control Society (MSACS) hmalakna in School hrang te HIV/AIDS chungchanga intihsiakna Red Ribbon Quiz Competition hi neih a ni. District hrang hrang ah intihsiakna hi huaihawt niin, vawiin a school ti tha ber hian state level-a inelna ah Saitual District ai an awh dawn a ni.

Vawiin Quiz Competition ahhian Oxford English school Saitual chu pakhatna niin PES Mualpheng leh PES Saitual ten pahnihna leh pathumna lawmman an la a ni. Competition hi Saitual District Hospital-a Senior Medical Officer Dr. Zothanpari Chhakchhuak in lawmthu sawina a neih hnu in tihtawp a ni.