PÛM 2023 Innovative Competition & Exhibition Fair buatsaih leh dawn

Aizawl | Sept 4, 2023: Labour, Employment, Skill Development and Entrepreneurship Department (LESDED) hmalakna in PÛM-2023 (Innovative Competition & Exhibition Fair) chu Industrial Training Institute (ITI), ITI Veng, Aizawl ah 20th - 22nd September, 2023 chhung hian neih a ni dawn a. Serchhip District atangin hetiang lama tui mi te tan tel theih a ni.

PÛM - 2023 hi Innovative Competition leh Exhibition Fair-a hman tur niin, Inelnaah hian ITI-a zir mek, zir tawhte leh kut themthiam lama thiam thil nei ten an thilsiam chhuah hmangin intihsiakna kalpui a ni ang a. Heng bakah hian mipui vantlang hmuh theih turin thiam thil hmanga thil siamchhuah hrang hrangte pho chhuah a ni bawk ang. Inelna hi Engineering leh Non-Engineering a then a ni a, lawmman pawh a hrang a siam a ni.

Lawmman chu a hnuaia mi ang hian siam a ni:

1) Engineering trades

1st : Rs. 1,00,000/-

2nd : Rs. 50,000/-

3rd : Rs. 30,000/-

People’s Choice : Rs. 5,000/-

2) Non-Engineering trades

1st : Rs. 1,00,000/-

2nd : Rs. 50,000/-

3rd : Rs. 30,000/-

People’s Choice : Rs. 5,000/-

Intihsiaknaa tel turte tan Form siam sa hmangin dilna thehluh tur a ni a, Dilna Form hi LESDE Department website lesde.mizoram.gov.in emaw Directorate Office Directorate of LESDE, A/28, Earth Day Road, Near Baptist Church, MINECO, Khatla, Aizawl-ah Office hun chhungin lam theih a ni a, Dilna hi 12th September, 2023 aia tlai lovah thehluh tur a ni. Hetiang lama tui mite tan a hnuaia contact number-ah hian zawh chian theih a ni - Ph. No: 8413932509 leh 9856735845.