CYMA-in Pathianni-ah faina hnatlang huaihawt lo turin sawrkar ngen

Aizawl | Sept 29, 2023: CYMA chuan vawiin khan thuchhuah siamin, Mizoram Sawrkar chu October 1, Pathianni hian faina hnatlang buatsaih lo tur leh hun remchanga buatsaih zawk mai turin an ngen.

CYMA chuan, "Sawrkar laipuiin Prime Minister zahawm tak hmalakna a India ram mipuiten a huhova darkar khat chhung faina hnatlang 'Ek Tareekh, Ek Ghanta, Ek Sath" nei tura ruahmanna a siam hi a tha kan ti a. Amaherawhchu, hnatlang neih ni tura ruat October 1, 2023 hi Pathianni a ni a, Kristian to tan chuan kan ni serh leh Pathian kan biakna ni a nih avangin, hemi ni a faina hnatlang neih hi YMA chuan a remchang lo in a hria a ni. India ram, sakhaw zalenna rama sakhaw pakhat ni pawimawha hetianga ruahmanna siam a ni hi tha kan ti lova, Kristiante Pathian biakna ni ngaihpawimawh lohnaah kan ngai." an ti a ni.