Ni 50 chhung Rinna
By Rick Warren
— Sept 20, 2023
Thil tihtheih loh neia i awm lai a ni maithei. In nupa chu inṭhen mai hmabakin in awm a ni maithei. Sum leh pai lamah tlachhe thei dinhmuna i dinlai a ni maithei. I natna benvawn chuan i nunah harsatna tam tak a rawn thlen tawh pawh a ni maithei.
I dinhmun chu i thunun thei tawh lo pawh a ni maithei, nimahsela Pathian chu i thunun theih piahlam a ni.
Chu chu Abrahama nun aṭangin zir theih a ni. Pathianin kum 75 mi Abrahama chu engkim kalsanin ram a la hmuh ngai loh lamah chuan kal turin a ti a ni (Genesis 12:4). Chumi piahlamah chuan Pathianin ram zawng zawngte pa a la nih tur thu a hrilh a, Sari lah chuan nau a la nei si lo, nei tur pawhin a upa tawh si a.
Mahse Abrahama chuan Pathian a ring a. Rom 4:17 chuan, “Mitthite tinungtu leh, thil awm lote awm anga sawitu, a rin Pathian mithmuhah chuan Abrahama chu kan zaa pa a ni. (“Chi tam takte paah ka siam a che,” tih ziak ang khan.)
He chang hian thilmak a rawn sawifiah a: Pathian chuan thi tawh emaw awm lo ata nunna min pek thu a sawi a ni.
Pathian chuan eizawnna nei tawh lo te, inneihna chhe tawhte, beiseina nei tawh lo te, sum leh pai tlachhe tawhte pawh a siamthar thei a. Awm lo ata awmah min dinsak thei a ni.
Isuan , "Ringtu tan chuan engkim tih theih a ni asin," a ti a.” (Marka 9:23).
Abrahama hian tu nge a rin tih hi a pawimawh laia chu a ni. Amah leh amah a inring lo va. A ngaihdan pawh a ring chuang lo va. A rinna chu rinnaah a innghat zawk a ni. Rom 4:17 chuan Abrahama chuan Pathian a ring a ti.
A rinna chu thil dangah ni lo vin - Pathianah a ni zawk..
A eng zawnga thil thlir ṭhin ka ni a. Nimahsela, a eng zawnga thil thlir leh rinna chu a inang lo a ni. A eng zawnga ngaihtuahna chu i dinhmun i thunun theih lai chauhin a ṭangkai a ni. I dinhmun i thunun theih piahlamah chuan awmzia a nei thei tawh lo. Thihna hnaiha i awm chuan ngaihtuahna hlim aia sang zawk kha i mamawh tihna a ni.
I rinna chu Pathianah i nghah a ngai a ni, “Mihring tih rual loh hi Pathian tih theih a ni.” Luka 18:27
Ngaihtuah zui atan
* Thil tihtheih tawh loh dinhmuna i dinlai kha han ngaihtuah teh. Pathian ṭanpuina i au em? Engtin nge i chinfel ṭhin?
* Thil tihtheih tawh loh dinhmuna din tawh hnu hian engvangin nge Pathian rin a harsat em em?
* "A eng zawnga ngaihtuahna chu dinhmun kan thunun theih lai chauhin a ṭangkai" Hei hi eng vangin nge a dik nia i hriat?
[Lettu: Sangpuia]
Post a Comment
He post chungchanga i ngaihdan lo sawi ve rawh: