Sumo leh One In Christ!

Rawngbawlna kawngah hian thil hlu leh ṭangkai tak tak hi kan chhar chho ve reng a, chung zinga ṭangkai kan tih ber pakhat chu Sumo hi a ni.

A chang chuan motor dang kan kalna tur rawn hire mai an tum cháng te hi a awm ṭhin a, mahse 'Sumo ni thei se' kan lo ti hram ṭhin a, Motor hire ai chuan a man a tlawm zawk a, kan kal kim chuan Seat no. 1 to 7 kha an han cut pawp mai a, kan rawngbawlna hmun panin hlim takin kan zái rál rál ṭhin. Kan vanneih ṭuma seat an lo cut full phei chuan kan leader, Alvin-a hi a hnung ber seat-ah a mu thluang duai zel a, chaw ei tura chhuk bak chu a tho meuh tawh ngai lo a, mang ramah chengin hniam takah helicopter a khalh deuh vut vut zel.

Tichuan, kan in sawh dal dal a, lighter bo te hi sumo chhungah kan zawng ang tak lawp lawp a, kan bu suau suau a, kan dák leh awrh awrh zel bawk a, a hlimawm thei khawp mai.

Kan tê ber Zomuani phei hi chuan intihtheihna'n tak a hmang lehnghal a; Khumtung khaw mi leh sa zingah chuan Sumo chuang hnem ber ka ni e, tih hi intithei takin a sawi zing ve thei hle.

Sumo a kan zin a, kan thlen fel chiah hian Christina-i hian regular takin 'Sumo chuan ka la kham lo' a ti ve ziah bawk..!

Motor nei ve lêm lo ta chu kumtir aṭanga kumtawp thleng hian Sumo ah kan chuang deuh reng mai a, driver lah hmelhriat kan ngah narawh.

Hmalamah Achhuani leh Zomuani an ṭhu ngei ngei a, Achhuani hi driver te'n an paw ngei ngei a, Zomuani hian a lukham ken a kham ṭhelh char char zel bawk.

Zamzami hi kan group-ah chuan 'Sumo Singer' kan neih ve a ni a, ama sawi danin Sumo chhunga a zâi thiam ang ai hian hmun dangah beisei a pha leh ṭhin lo...! Sumo chhung aṭang te hian rawngbawlna hmunah te hian zái theih nise tih hi a 'Dream' a ni.

Somsom-i hi chu sumo tukverh-ah concentrate tawkin a han hawichhuak a, a ngaihtuah ding viau emaw tih lai hian a lo thlep leh hnawp ṭhin.

Sawmtei hian sumo a mutthluk hi a hnehsawh khawp mai a, han bia ila, min chháng zuah zuah emaw tih lai hian a lo muthlu leh daih a, thil a ei mual mual emaw tih lai te hian a lo muthlu leh daih zel.

Keini tan chuan Sumo hi a hlu hle a, theihnghilh tawh loh tur hun hlimawm tak tak kan tawnna hmun a ni tlat.!

- One !n Christ

(I hlimpuiin i nuihpui ve ngei beisei chunga dah kan ni e. - Editor.)

One In Christ Huang - 

@ https://www.exploremizoram.com/search/label/One%20In%20Christ

Share it with your friends!

 

[News update awlsam taka i dawn theih nan telegram channel hi lo join ve ta che https://t.me/exploremizoramchannel ]

(Feedback at: admin@exploremizoram.com )

[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]

EXPLORE MIZORAM

https://www.exploremizoram.com

email: admin@exploremizoram.com

Telegram channel:

https://t.me/exploremizoramchannel

FB page: https://www.facebook.com/exploremizoramportal

FB Group: https://www.facebook.com/groups/exploremizoram

Twitter: https://twitter.com/exploremizoram

Instagram: https://www.instagram.com/explore.mizoram

Youtube Channel: https://www.youtube.com/channel/UCyNrX06aSZ26HkIB25eo1YQ

[News update awlsam taka i dawn theih nan telegram channel hi lo join ve ta che https://t.me/exploremizoramchannel ]

(He website kal zel theih nan hian fakna lo langte hi i lo hmet ve thin dawn nia.)

.