Aizawl | April 5, 2023: Social Welfare Department Minister Er. Lalrinawma leh Bialtu MLA ni bawk chuan vawiin khan Darlawngah khawtlang mipui tangrual ten an din thar, Darlawng High School chu a hawng.
SWD Minister Er. Lalrinawma chuan zirna chu a thil ngaih pawimawh zual tlemte zingah a tel tih a sawi a. Zirna in pan tur kawtkaiah a awm mai loh avangin hmun thenkhatah chuan zirna chhunzawm zel te a rem loh phah thin a. Darlawngah pawh High School mamawhna hun rei tak atangin a lo awm tawh thin tih sawiin he thil mamawh pawimawh tak mai, VC, khawtlang nu leh pa leh mi thahnem ngai zual te tanrualna azarah neih a lo ni dawn ta chu lawmawm a tih thu a sawi a ni.
Mizoram sawrkar-in Zirtirtu thahnem tak tunhnaiah a lak thu a sawi a. Hei hian kan sawrkar in zirna a ngaih pawimawh zia a tilang chiang hle a ni. Darlawng khua tan High School thar din a pawimawh tluk zetin, a enkawl chhunzawm hna thahnem ngai taka kalpui zel a pawimawh thu sawiin he School Managing Board chu tan la zel Turin a chah.
Darlawng HS hi kumin, 2023 session-ah tan nghal a ni a. Kumin hian Pawl 9 zirlai 10 leh pawl 10 zirlai 7 neiin bul an tan a. School building atan hian BNRGSK hman lailawk a ni.MLA fund leh mi thahnem ngai te sum leh pai nena tangkawpin school enkawl hna hi thawh tan a ni.
- DIPR
Share it with your friends!
[News update awlsam taka i dawn theih nan telegram channel hi lo join ve ta che https://t.me/exploremizoramchannel ]
(Feedback at: admin@exploremizoram.com )
[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]
[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
[News update awlsam taka i dawn theih nan telegram channel hi lo join ve ta che https://t.me/exploremizoramchannel ]
(He website kal zel theih nan hian fakna lo langte hi i lo hmet ve thin dawn nia.)
Post a Comment
He post chungchanga i ngaihdan lo sawi ve rawh: