MZP - in hnam dang dan lova sumdawnna kalpui dap!

Aizawl | April 6, 2023: Mizo Zirlai Pawl (MZP) General Headquarters, Aizawl chuan tukin khan Aizawl khawpui chhungah hnam dang dan lova sumdawnna kaluite dapin an hnatlang.

MZP hruaitute chuan hnam dang sumdawnna kalpuite zawngchhuah hna an thawk a, vawiin khan hnam dang dan lova sumdawnna kalpui mi eng emaw zat an hmuchhuak a, he thu buatsaih lai hian a zat chiah a la chiang lo thung.

MZP chuan, Mizo leh hnam dang inmawngzawma sumdawnna kalpui, Mizo hming hawha sumdawnna awm leh hnam dang sponsor an nih lohna anga hna thawk an hmuchhuak nual a ni.

MZP hian nimin pawh khan Treasury Square leh a chheh velah hnam dang dan lolva sumdawnna kalpuite dap hian an lo chhuak tawh a,  dan lova sumdawnna kalpui pathum an lo man tawh a ni.

MZP General General Headquarters chuan, March 30, 2023 (Ningani) chhun dar 12 khan  MZP Pisapui-ah Muslim Welfare Society Mizoram leh Central Mizoram Gorkha Youth Association (CMGYA) hruaitute meeting puiin, Mizoram chhunga hnamdang dan lova sumdawnna kalpuite dapchhuah kawngah thawhho an lo rel tawh a ni.

March 30-a MZP thuchhuaha a lan danin, Mizoram chhunga hnamdang dan lova sumdawnna kalpuite MZP-in dapchhuah a tum chu Muslim Welfare Society Mizoram leh Central Mizoram Gorkha Youth Association (CMGYA) hruaitute chuan tha an ti a. A tul angin MZP hmalakna chu tawiawm a thlawp nise an ti bawk.

MZP chuan Mizorama hnam dang danloa sumdawnna kalpuite chu an sumdawnna tihtawp a nih theih nan hmalak zel an tum a ni.  

Tun hnaiah hnam dang dan lova sumdawnna kalpui hi a tamin, a hluar hle tih hriat a ni a. Mizo hming hawha sumdawnna bakah, State pawn atangin man tlawmte tein phalna neilo ten Mizoram chhungah sumdawnna an kalpui nasa hle a, an bungrua an hralh zawh hunah an haw leh mai zel tih pawh hriat a ni. Hei hi tualchhunga Mizo sumdawngten an tuar hle a, nghawng lian zawk a neih hmaa tihtawp a nih theih MZP chuan hmalak a tum a ni.

Hnam dang dan loa sumdawnna kalpuite dapchhuah chungchang hi MZP Special Assembly ni 9th February, 2023-a Borapansury Zofate Chawlhbuka neihin a lo rel tawh, “Mizoram chhunga hnamdang dan loa sumdawngna kalpui mekte hi MZP-in dapchhuah nise, Mizoram sawrkar-in a tihtawp theih nan hmalak ni rawh se” tih bawhzuina kal mek a ni.

Share it with your friends!

 

[News update awlsam taka i dawn theih nan telegram channel hi lo join ve ta che https://t.me/exploremizoramchannel ]

(Feedback at: admin@exploremizoram.com )

[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]

EXPLORE MIZORAM

https://www.exploremizoram.com

email: admin@exploremizoram.com

Telegram channel:

https://t.me/exploremizoramchannel

FB page: https://www.facebook.com/exploremizoramportal

FB Group: https://www.facebook.com/groups/exploremizoram

Twitter: https://twitter.com/exploremizoram

Instagram: https://www.instagram.com/explore.mizoram

Youtube Channel: https://www.youtube.com/channel/UCyNrX06aSZ26HkIB25eo1YQ

[News update awlsam taka i dawn theih nan telegram channel hi lo join ve ta che https://t.me/exploremizoramchannel ]

(He website kal zel theih nan hian fakna lo langte hi i lo hmet ve thin dawn nia.)