Mizoram leh Assam ramri chungchanga inbiakna atan Mizoramin ram hauh chin ziakin thehlut tawh

Aizawl | April 6, 2023: State pahnih ramri buai chingfel tura Mizoram leh Assam Minister-te inbiak chhunzawm leh hun tur a la hriat lohva, Mizoram lamin an ram hauh chin ziakin an thehlut tawh.

Home Secretary Pu H. Lalengmawia’n AIR a hrilh danin ramri chungchanga nikum November ni 17-a Guwahati a inbiak kha a hnuhnung ber a nih thu a sawi a. Khami ţuma an thu dah pakhat chu Mizoram lamin thla thum chhungin an ram china ramri a khaw awmzat, a awmna hmun, eng hnamte nge cheng tih leh thil dangte lakhawmin thla thum chhungin an thehlut ang tih a ni a. Hei hi state pahnih aiawh telna regional committee chuan a enfiah ang a, a ţulna apiangah Assam lamin a ţanpui ang tih a ni. Hemi chungchangah hian Mizoram sorkar chuan a ram hauh chin chungchang hi Assam sorkar hnenah a thehlut tawh a, inbiakna buatsaih leh hunah sawihova a ţul dan azirin a hmuna enfiah tura thudah a ni.

Pu H. Lalengmawia chuan Mizoram sorkarin a ram hauh chin leh a behbawm chungchang a thehluh hi Assam sorkar aţangin chhanna an la hmuh loh thu a sawi a. Inbiak lehna tur hun leh hmun chi Assam lamin ruahmanna an la rawn siam tura an ngaih thu leh an hnen aţanga thu leh hla engmah an la dawn loh thu a sawi.

Home minister Pu Lalchamliana kaihhruai Mizoram palaite leh Assam border protection and development minister, Atul Bora kaihhruai Assam palaite hi ramri buai chin fel tumin vawi thum an inbe tawh a. Aizawl-a vawi hnih an inbiak hnu-ah nikum November khan Guwahati-ah an inbe leh a ni.  

- AIR Aizawl

Share it with your friends!

 

[News update awlsam taka i dawn theih nan telegram channel hi lo join ve ta che https://t.me/exploremizoramchannel ]

(Feedback at: admin@exploremizoram.com )

[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]

EXPLORE MIZORAM

https://www.exploremizoram.com

email: admin@exploremizoram.com

Telegram channel:

https://t.me/exploremizoramchannel

FB page: https://www.facebook.com/exploremizoramportal

FB Group: https://www.facebook.com/groups/exploremizoram

Twitter: https://twitter.com/exploremizoram

Instagram: https://www.instagram.com/explore.mizoram

Youtube Channel: https://www.youtube.com/channel/UCyNrX06aSZ26HkIB25eo1YQ

[News update awlsam taka i dawn theih nan telegram channel hi lo join ve ta che https://t.me/exploremizoramchannel ]

(He website kal zel theih nan hian fakna lo langte hi i lo hmet ve thin dawn nia.)