Lunglei Municipal Council inthlan hmasa berah ZPM 11 - 0 in an chak!

Aizawl | April 3, 2023: Lunglei Municipal Council inthlan hmasa berah chu vawiin khan vote chhiar a ni a, ZPM in seat 11 awm ah seat 11 lain an chak.

LMC Ward 11 awmah ZPM hian an la vek a, Lunglei khawpui-ah Party dangin hmun an chang lo!

LMC RESULTS

Zoram People's Movement(ZPM) in ward zawng zawng ah hnehna chang vek in sawrkarna chiang takin an siam.

Ward -  I : ZPM - Lalhruaitluangi Sailo,Pukpui.

Ward - II : ZPM - R. Lalmuanpuii,Serkawn.

Ward - III : ZPM - Lalzuithanga Khiangte,Bazar Veng.

 Ward -IV : ZPM - R. Lalramzauva,Venglai.

Ward - V : ZPM -  Zonunmawii,Rahsiveng.

Ward - VI : ZPM - R. Lalremsiama,Electric Veng.

Ward - VII : ZPM - K. Lalrinawma,Chanmari.

Ward - VIII : ZPM - K. Malsawmkimi,Ramthar.

Ward - IX : ZPM -Zorinsanga Hmar,Luanglawn.

Ward - X : ZPM - Judy Lalhriatpuii,Luangmual.

Ward - XI : ZPM - Vanlalliana Pachuau,Zobawk South.

ZPM - 11

MNF - Nil

INC - Nil

BJP - Nil

Lunglei Municipal Council (LMC) inthlanna hmasa ber March ni 29-a neih chu vawiin khan vote chhiar a ni a, ward awm zawng zawng 11 chu Zoram People’s Movement (ZPM)-in an la fai vek.

 Political party dang 3 zingah ward pakhat mah la awm ve lovin ZPM hian an la fai vek a ni. LMC inthlan result puanah hian Ward number 1 (General Ward) ah ZPM Candidate Lalhruaitluangi Sailo chuan amah hnaih bertu MNF Candidate R. Lalhmingmawia chu vote 182 in a hneh a, Ward number 2 ah ZPM Candidate Lalmuanpuii Renthlei chuan amah hnaih ber tu MNF Candidate Laldingngheti Pautu chu vote 799-a hnehin Ward number 3 ah ZPM Candidate Lalzuithanga chuan amah hnaih ber tu MNF Candidate F. Lalsawmkima chu vote 456 in a hneh a ni. Ward number 4 ah ZPM Candidate R. Lalramzauva chuan amah hnaih ber tu Congress Candidate Joseph Lalremngheta chu vote 109-a hnehin, Ward number 5 ah ZPM Candidate Zonunmawii chuan amah hnaih ber tu MNF Candidate T. Vanlallawmi aiin vote 299 in a hmu sang a, Ward number 6 ah ZPM Candidate R. Lalremsiama chuan amah hnaih ber tu MNF Candidate LH. Lianzama chu vote 564 in a hneh thung. Ward number 7 ah ZPM Candidate K. Lalrinawma chuan amah hnaih bertu Congress Candidate P.C. Thanzama aiin vote 761 in a hmu tam a, Ward number 8 ah ZPM Candidate Malsawmkimi Khawlhring chuan amah hnaih ber tu MNF Candidate C. Lalrindiki chu vote 904 in a hneh a, Ward number 9 ah ZPM Candidate Zorinsanga Hmar chuan amah hnaih ber tu MNF Candidate Lalngaihawma Pachuau aiin vote 578 in a hmu sang bawk a. Ward number 10 ah ZPM Candidate Judy Lalhriatpuii chuan amah hnaih ber tu MNF Candidate C. Vanlalthangi chu vote 642 in a hneh thung a, Ward number 11 ah ZPM Candidate Vanlalliana Pachuau chuan amah hnaih bertu MNF Candidate Z.D. Ngurlianchhunga aiin vote 274 in a hmu sang a ni.

 Lunglei Municipal Council inthlana hian vote tla zawng zawng atangin ZPM Party in vote 14,863 an hmu a, MNF in dawtin vote 8,706 an hmu a, Congress in vote 6,047 hmuin BJP Party in vote 226 an hmu a. BJP Candidate te hian dah kham chawi vekin an zingah vote 100 hmu tling an awm lo a ni.

zing dar 10 aţangin postal ballot leh Electronic Voting Machine-a vote tlate chhiar ţan a ni a. Vote hi Saikuti Hall-ah counting hall pahnih siamin chhiar a ni a, hall pakhatah dawhkan 12 awmin dawhkan 24-ah vote hi chhiar a ni.

March 29-a LMC inthlanna a vote thlakah khan ward 11-ah candidate 42 an awm a. Rorellai MNF, eptu ZPM leh Congress party-te chuan LMC-a ward awm zawng zawng an chuh kim vek a. BJP chuan ward 9-ah candidate a nei thung a ni.

Chief Minister leh MNF President Pu Zoramthanga chuan a instagram account kaltlangin tling thar te chu a lawmpui thu a sawi a, Lunglei Municipal Council hmasa ber tura inthlan tluang taka an zo thei chu lawmawm a tih thu sawiin mipui ten an ai-awh tur an duh ber an lo thlang thei chu democracy ropuizia tilangtu a ni a ti a, party hrang hranga candidate tling zo lo te chu hrehawm ti mai lova hmasawnna tura thawk zel turin a sawm a, candidate tling te pawh Mizoram tana theihtawp chhuah turin a sawm a ni.

Mizoram Congress President Pu Lalsawta chuan Lunglei inthlanah Congress Party chuan theihtawp an chhuah a ti a, chak turin an tho chhhuak leh ngei dawn tih sawiin ZPM chu duhsakna a hlan a, sum hmachhuan lova candidate tin te’n theihtawp an chhuah chu lawmawm a tih thu sawiin Lunglei Municipal Council sawrkar ţha tak siam turin ZPM te chu duhsakna a hlan a ni.

ZPM Working President Pu K.Sapdanga chuan Lunglei mipuite leh Mizoram mipuite chungah lawmthu sawiin an rin phak aia tamin an tling a ti a, Mizoram ah Kalphung thar-Mipui sawrkar ding se tih mipuiten an duh takzet tawh ani tih lantirna a ni a ti.

Prepared by The Zozam Times

Share it with your friends!

 

[News update awlsam taka i dawn theih nan telegram channel hi lo join ve ta che https://t.me/exploremizoramchannel ]

(Feedback at: admin@exploremizoram.com )

[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]

EXPLORE MIZORAM

https://www.exploremizoram.com

email: admin@exploremizoram.com

Telegram channel:

https://t.me/exploremizoramchannel

FB page: https://www.facebook.com/exploremizoramportal

FB Group: https://www.facebook.com/groups/exploremizoram

Twitter: https://twitter.com/exploremizoram

Instagram: https://www.instagram.com/explore.mizoram

Youtube Channel: https://www.youtube.com/channel/UCyNrX06aSZ26HkIB25eo1YQ

[News update awlsam taka i dawn theih nan telegram channel hi lo join ve ta che https://t.me/exploremizoramchannel ]

(He website kal zel theih nan hian fakna lo langte hi i lo hmet ve thin dawn nia.)