Kum 70 chuangin High School-ah admission tifel; Mizorama zirlai upa ber a ni mai ang em?

Aizawl | April 12, 2023: Kum 2018 a Pawl 5 zir tura Middle Schoola admission a tih vanga ngaihven hlawh tak mai, New Hruaikawn khuaa Lalringthara chuan an khua-ah High School a awm ve loh avangin vawiin khan Hruaikawn khuaa Hruaikawn High School-ah admission a tifel leh ta!

Pu Lalringthara'n High School-a admission a tih chungchang hian social media a luah nasa tan hle.

Lalringthara hin Pawl kua (9) zir chhunzawm turin vawiin khan Hruaikawn High School-ah hian admission a ti niin thudawnna chuan a tarlang.

Hruaikawn hi New Hruaikawn atanga KM 4 vela hlaa awm niin,  lirthei engmah a neih loh a vangin sikul hi Ke hlira a kal thin a ngai dawn a ni.

Lalringthara hi tunah Kum 74 vela upa niin social media lamah chuan tarlan a ni a, mahse, Kum 2018 khan kum 73 niin tarlan a ni tawh a, kuminah erawh kum 78na hmang mek tura ngaih a ni.

Lalringthara hian 2018 khan New Hruaikawn khuaa sawrkar sikul - Govt New Hruaikawn Middle School-ah pawl 5 zir turin admission a lo ti tawh a, kuminah erawh pawl 9 a lo zir ve dawn ta a ni.

"Mizoram a zirlai zinga Upa ber a ni mai ang em?" tih zawhna a tam hle.

2018

2018 a a thlalak

Lalringthara hi 1945 khan Khuangleng khuaah a piang a, Kum 2 mi lek a nih laia a pain a boralsan avangin an dinhmun a harsa hle a, retheihna avangin pawl hnih thleng chauh lehkha a zir thei a ni.

Kum 1995 khan New Hruaikawnah hian a inbengbel a, Presbyterian Kohhran Biak Inah chowkidar a ni.

Bible hi vawi 10 chuang a chhiar chhuak tawh a, Thuthlung hlui hi vawi 14 chhiar chhuakin, thuthlung thar hi vawi 16 a chhiar chhuak tawh a ni.

Share it with your friends!

 

[News update awlsam taka i dawn theih nan telegram channel hi lo join ve ta che https://t.me/exploremizoramchannel ]

(Feedback at: admin@exploremizoram.com )

[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]

EXPLORE MIZORAM

https://www.exploremizoram.com

email: admin@exploremizoram.com

Telegram channel:

https://t.me/exploremizoramchannel

FB page: https://www.facebook.com/exploremizoramportal

FB Group: https://www.facebook.com/groups/exploremizoram

Twitter: https://twitter.com/exploremizoram

Instagram: https://www.instagram.com/explore.mizoram

Youtube Channel: https://www.youtube.com/channel/UCyNrX06aSZ26HkIB25eo1YQ

[News update awlsam taka i dawn theih nan telegram channel hi lo join ve ta che https://t.me/exploremizoramchannel ]

(He website kal zel theih nan hian fakna lo langte hi i lo hmet ve thin dawn nia.)