Aizawl | April 3, 2023: Power & electricity department-in kum 2023-24 atan kawlphetha hman man tih san rawt mah se Mizoram leh Manipur electric bill man tur bithliahtu Joint Electricity Regulatory Commission (JERC) for Manipur and Mizoram in a pawm sak lo a, bill tih san a ni dawn lo.
.png)
Kawlphetha hman man hi kum tin ennawn thin a nih angin P&E department chuan kum 2023-24 atan kawlphetha hman man ennawn a, tuna hman lai mek atanga chhuta zaa 3.15-a tihsan a rawt a, hemi chungchang Mizoram State Advisory Committee in an sawiho na te, public hearing-a sorkar rawtna dodal tute thu leh technical thil hrang hrangte zirchian a nih hnuah kawlphetha hman man hi ti sang lo turin thutlukna siam a ni ta a ni.
P&E department hian kum 2023-24 chhunga power supply enkawl nana Revenue sum mamawh cheng 782.33 bituk sak turin Commission an dil a, hemi hmuchhuak turin tuna tariff hman lai hi zaa 3.15%-a tih sana, sum mamawh tlin phak lohna awm chu Mizoram Sorkarin subsidy cheng vaibelchhe 157.90 emaw Commission-in ARR a bituk sak atanga 20.50% emaw, heta a tlem zawk zawk hian a phuhruk sak dawn tih an sawi a, an dil ang chuan eng chhit man thar tur hi chawhrualin Unit khat man Rs. 8.08 vel tur a ni.
JERC hian P&E Deptt sum mamawhna te a zir chian hnuin ARR atan cheng vaibelchhe 567.77 a bituk sak a, hei hi kawlphetha hralhna atanga hmuhchuah tur a ni a, Commission chhut danin tuna Tariff hmanlai hmangin leh Electric Vehicle (EV) Charging Station atana rate thar rawtna atangin kumthar 2023-24 hian cheng vaibelchhe 406.85 leh kawlphetha hman bang ram pawna hralhna atangin cheng vaibelchhe 62.62 Cr an hmuh theih beisei a ni a, hei hi a vaiin cheng vaibelchhe 469.47 a ni a, hei hian an sum mamawh chu phuhru zo dawn lo mah se sorkarin cheng vaibelchhe 98.30 subsidy pe-in a phuhruk sak theih dawn avangin Tariff tih san a tul loah a ngai ta a, ti chuan P&E department chuan unit khat Rs.7.94 vel zelin mipui hnenah a pe dawn a ni.
---
Share it with your friends!
[News update awlsam taka i dawn theih nan telegram channel hi lo join ve ta che https://t.me/exploremizoramchannel ]
(Feedback at: admin@exploremizoram.com )
[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]
[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
[News update awlsam taka i dawn theih nan telegram channel hi lo join ve ta che https://t.me/exploremizoramchannel ]
(He website kal zel theih nan hian fakna lo langte hi i lo hmet ve thin dawn nia.)
..
Post a Comment
He post chungchanga i ngaihdan lo sawi ve rawh: