Mizo Boxer ngaihven hlawh, mipuiin amaha beiseina sang tak an neih mek Laldinsanga leh Explore Mizoram atanga Kimkimi te inkawmna kan rawn chhawp chhuak e.
Laldinsanga te hi tunah hian Mission Veng, Aizawl-ah a cheng mek.
Explore Mizoram Youtube Channel hi lo subscribe ve ta che!
📌 Zirna lam:
~ Middle School hi Lalkhama English Memorial School (LKM), Lunglei atangin ka zova, High School hi Gov't Bazar High School, Lunglei atanga zo lehin, Higher hi India Camp-a ka awm deuh reng avangin class ka kal mumal lo a, pawl 12 hi open in Ananda Singh Higher Academy, Imphal atangin ka zo leh a ni.
📌 Boxing hi engtik atanga tui chho nge i nih:
~ Kum 2016 April thla khan bul ka tan a, 2017-ah Sports Authority of India (SAI) Sports Academy, Lunglei Electric Veng-ah lutin, kum 2020 thleng ka awm.
📌 Inelna i hmachhawn hmasak ber?
~ 34th Mizoram Open Boxing Championship, Lungleia August 30 - September 2, 2016 chhunga neih-ah Sub Junior Boys under 40kg-ah khelin, hetah hian Pathian zarah Gold ka la a ni.
📌 Boxing i zir chhoh dan leh academy awm mek na:
~ SAI Lunglei-ah ka unaupa nen training turin kan kal risk ve tawp a, chuan, rinai khan ka tih chi a lo ni phian a. SAI coach Torak kharpran leh SYS coach Lalfakzuala'n ka potential min hmuhsak a. SAI-ah kum 2017 ah min la lut a ni.
SAI-ah hian kum 2017 atanga 2020 thleng ka awm hnuin COVID 19 vangin kum khat vel ka chawl leh a, buaina neuh neuh karah hmasawn leh that belh zel duhin tunah hian Sete Boxing Academy-ah ka training mek a ni.
📌 Mizoram pawn leh India ram pela i feh chhuah tawh zat:
~ Mizoram aiawhin vawi 7 ka feh chhuak a, Gold 1, Silver 3 leh Bronze pahnih ka hawn a. Youth World Championship leh Asian Games te chhiar telin, India ram represent turin vawi 7 selection trail nei tura koh ka ni a, ka chak lo vek a. Amateur huangah India tan ka feh chhuak lo.
Professional Boxing ka khelh hnuin International Fight hi Bangkok, Thailand-ah ka khel a, ram pawna ka chhuah awm chun a la ni.
📌 Professional boxing i luh chhoh dan:
~ Boxing ka khel tirh atang hian Professional Boxing hi ka tum a ni sa hrim hrim a. SAI-a ka awm lai atang tawhin, luh theihna chance ka hmuh hmasak ber LPS Professional Fight atangin ka professional boxing career ka tan.
📌 I boxing zinkawngah tunge pawimawh ber:
~ A hmasa berah chuan Isua leh keimah! Ka boxing zinkawngah hian thil tam tak ka tawng a, mi pawimawh tak tak mi tha tak tak te an awm. Ka tan an pawimawh vek a, a pawimawh ber tia sawi tur hi ka hre lo.
📌 Boxing i khelh na kawngah harsatna i tawk em? Beidawn rum rum chang i nei thin em?
~ Pathian khawngaihna zarah mi tha leh duhsaktu tam tak karah harsatna em em ka nei lo. Tu pawhin beidawn chang hi chu kan nei a lawm, sawi thui lo mai ang!
📌 Tun hnaiah fight hmachhawp i nei em?
~ Tunah hian 5 wins ka nei mek a, kumin chung hian 8 wins vel neih hman kan tum.
📌 Mizoram aiawha i chhuah tawhna te:
• All India Inter SAI (Haryana) Silver 🥈
• 64th School Games National, 2018 (Guwahati) (Quarter Finalist)
• Khelo India 2019 (Maharashtra, Pune), Silver
• 65th School Games National 2019 (Gold) (Best boxer)
• Khelo India (Guwahati) 2020, Bronze
• 4th Youth National Men & Women Boxing Championship - (Silver) (best challenger)
• Khelo India (Haryana) 2022 (Quarter Finalist)
• 2021 youth Man Ranking Trail Haryana (India no.2) 54Kg.
📌 Professional fight i hmachhawn tawhte:
• LPS Professional Fight (2022) Semi Final (Debut) - Joseph Lalremruata, Win by KO 2 Round (Super Fly)
• LPS Professional fight 2022 Final - Samuel Lalthlamuana, Win by KO at 3rd round (Super Fly)
• Bangkok, Thailand 2023 - Kwanchai, Win by TKO in Round 3 (Bantam)
• LPS Fight Night 3, 2023 - lanz Kamei, Win by KO 2 Round (Bantam)
• The Punch Boxing Event (Haryana) - Harish, Win by Unanimous Decision 6 Round (Super Bantam)
• Current record 5-0 wins, 4kos
📌 I duhzawng leh ngainat zawng:
• Rawng: Red
• Chawhmeh: Sa
• Incheina: Ngainat bik ka nei lo.
• Rimawi: Ngaithla thei vek
• Hla: Wonderful Tonight
• Mizo Ziaktu: Pu Lalhmachuana Zofa
• Boxer: Boxer duh ber tia sawi tur tak hi ka nei lo. Style hrang hrang nei an ni a. An thiam dan a inang lo; Muhammad Ali, Mike Tyson, Roy Jones Jr, Manny Paquio leh Canelo Alvarez te hi ka duh zualte an ni.
📌 Hmeichhe duh zawng: Chhe lo leh inringtawk, over lo.
📌 Mize ngainat loh zawng: - mi phakar leh dawizep
📌 Mize ngainat zawng: - Huaisen leh rin tlak
📌 Relationship Status: - nil
Zawhna dang:
1. A telloa i awm theih loh: Boxing
2. I nun kaihruaitu: Pathian
3. Hringnuna i hlauh ber: Ka dream tih puitlin loh
4. Quote duh ber:
~ "Hneh i nih chang pawhin i thinlung ti chak la beidawng suh, hnehtu i nih hunah erawh i thinlung ti tlawm ang che."
5. Social media leh nangmah: Ka khawih ve a, hunawl hnawh khah nan ka hmang.
6. Boxing tih loh i ngainat: Zai leh lam
7. Hlawhtling tura pawimawh: Finna leh taimakna
8. Hloh i hlauh ber: Ka Chhungkua
9. I thalaipui te tana fuihna: Thalaite u, in thatlai te chenin hlim rawh u, Pathianin in chungah ro ala rel dawn sia!
EXPLOREMIZORAM.COM i hmuh dan:
~ EXPLOREMIZORAM.COM hi tha ka ti - Mizoram mipui tan chanchin thar min rawn chhawpchhuah sak thin a, a bengvar thlak thin. Explore Mizoram vul zel rawh se.
(Khawngaihin, i lo share darh ve ngei dawn nia aw!)
(Khawngaihin, Explore Mizoram hi mi dang i lo hmelhriattir zel dawn nia!)
[News update awlsam taka i dawn theih nan telegram channel hi lo join ve ta che https://t.me/exploremizoramchannel ]
(Feedback at: admin@exploremizoram.com )
[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]
[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
[News update awlsam taka i dawn theih nan telegram channel hi lo join ve ta che https://t.me/exploremizoramchannel ]
(He website kal zel theih nan hian fakna lo langte hi i lo hmet ve thin dawn nia.)
Post a Comment
He post chungchanga i ngaihdan lo sawi ve rawh: