Aizawl | Feb 23, 2023: Block Agriculture Office chungchanga tunhnaia buaina awmah E Lungdar VC chuan thuchhuah siamin, "Mizoram sorkarin tunhnaia Block Agriculture Office E. Lungdara a dah chungchangah thudik tawklo leh thu belhchian dawllo vawrhdarh a ni hi pawi kan ti hle," an ti.
%20(5).jpeg)
Sorkarin tunhnaiaa E. Lungdar-a Block Agriculture Office (BAO) a dah chungchangah thudik tawklo vawrhdarh an awm nia sawiin, N. Vanlaiphai-in E. Lungdara BAO awm tura sorkar Gazette-ah pawh tihchhuah tawh chu diklo takin an chuhpui niin an sawi.
E. Lungdar VC thuchhuahin a tarlan danin E. Lungdar-ah hian kum 1962 atangin Agriculture department te an awm tawh a, Circle hmun niin, Agriculture Extension Officer (AEO) leh staff engemawzah an awm tawh thin. Tun thlengin Agriculture department hian E. Lungdar-ah office building, staff quarters, kudam etc. a la nei reng a, E. Lungdar R.D block huamchhunga Agriculture circle awmchhun a ni.
January ni 18, 1974-ah E. Lungdar chu RD block Hqrs., ni tura hawn niin, tun thlengin a la ni a. E. Lungdar VC chuan “Hun lo kal zelah tunhmaa sorkarin Agriculture-ah Circle, SDAO, SMS anga function thin leh tun- hnaia Agriculture SDAO hmuna puan thar te chu Mizoram Agriculture Service Association-in service rules siamtha tura sor- kara an thlen hnuah SDAO, Circle leh SMS post te chu nuaibo vekin, Block Hqrs-ah BAO chu fu- nction vek tawh turin cabinet meeting-in thutlukna a siam” an ti a. “Sorkar Gazette-ah pawh tarlan niin, Mizoram sorkarin notification a tihchhuah phek 8-na serial no 13-ah Block Agriculture Officer (BAO) chu E. Lungdar khuaa awm tura chiang taka ziah a ni” an ti.
E. Lungdar VC thuchhuah chuan “Mizoram sorkarin Gazette a tihchhuahah BAO awmna tur khua E. Lungdar lo khawdang hming E. Lungdar RD block huamchhungah ziahlan a awm lo” a ti a. Mizoram sorkarin gazzete a tarlan anga order chhuah hmasakberah T. Lalhmingmawia, SDAO Zawlnuam chu E. Lungdar-a Block Agriculture Officer tura tih a nih thu an tarlang.
“E. Lungdar-a BAO dah chu duh lovin N. Vanlaiphai khawtlang hruaitute leh party hruaitute Aizawlah tlan thla nghalin sorkarin T. Lalhmingmawia, E. Lungdar BAO atana a lo dah tawhna order chu diklo taka sut tirin tunhma pawha E. Lungdar AEO a lo awm tawh N. Vanlaiphai khawpa Var- zama chu E. Lungdar BAO atan dah a ni” E. Lungdar VC thu- chhuah chuan a ti a. “A ni hian hunreilote N. Vanlaiphai atanga thawkin, sawn a nih leh hnuah tunah hian Vabeilaiku Chozah chu E. Lungdar BAO atana dah leh a ni” tiin, N. Vanlaiphai khuain Block Agriculture Office chu diklo takin an chuhpui niin an sawi.
E. Lungdar VC chuan N. Vanlaiphai NGO Co-ordination-in thuchhuah an siama N. Vanlaiphai BAO office sakna atan Rs 64,00,000 hmu anga an tarlan pawh thu diklo a nih thu sawiin, Rs 64,00,000 chu Wa- rehouse sakna atana sanction a nih zawk thu an sawi bawk.
E. Lungdar VC chuan “thu dik tawklo tanchhana N. Vanlai- phai khuain E. Lungdar khuaa sorkarin BAO a dah min chuhpui tlat hi pawi kan tiin, NGO Coordination Committee hminga tidanglam leh tura diklo taka sorkar an nawr hi hriatthiam har kan ti hle” an ti a. E. Lungdar BAO chu function tir thuai tura sorkar an ngen thu an sawi bawk a ni.
_____
*BLOCK AGRICULTURE OFFICE E.LUNGDAR-A DAH CHUNGCHANGA THUDIK PUAN CHHUAHNA*
Mizoram sorkarin tunhnaia Block Agriculture Office E. Lungdara a dah chungchangah thudik tawklo leh thu belhchian dawllo vawrhdarh a ni hi pawi kan ti hle a. E. Lungdar ah hian kum 1962 atang daih tawh in Agriculture department a lo awm tawh a, Circle hmun niin ram tha tak leh zau tak neiin thawktu Agriculture Extension Officer (AEO) leh Staff engemawzah an lo awm tawh thin a. Tun thlengin Agriculture department hian E. Lungdar ah hian Office building, Staff Quarters, Godown etc a la nei reng a E. Lungdar R.D Block huamchhung ah Agriculture Circle awmchhun a ni. Ni 18.1.1974 ah E. Lungdar khua chu RD Block Headquarters ni tura hawn niin tun thlengin a la ni. Hun lo kal zel ah tunhmaa sorkarin Agriculture ah Circle, SDAO, SMS anga a lo function tir thin leh tunhnaia Agriculture SDAO hmuna a lo puan thar te chu *Mizoram Agriculture Service Association ten Service Rules* siamtha tura sorkara an thlen angin sorkarin siamtha (re-structuring) vekin SDAO, Circle, SMS post zawng zawng te chu nuai bo vek niin Block Headquarters awmna hmun ah Block Agriculture Office chu function vek tawh turin Cabinet Meeting chuan thutlukna a siam a.
Mizoram sorkar Cabinet Meeting thutlukna siam anga sorkarin Gazette a chhuah The Mizoram Gazette Extra Ordinary Published by Authority VOL-L Aizawl Wednesday 13.01.2021 Pausha 23, S.E 1942 Issue No 12, No.A.12018/72/2019-P&AR(GSW) the 12th January 2021 anga Mizoram sorkarin Notification a tihchhuah Phek 8-na Serial No 13 na ah Block Agriculture Officer (BAO) chu E.Lungdar khuaa awm tura chiang taka ziah a ni. Mizoram sorkarin Gazette a tih chhuah ah Block Agriculture Officer awmna tur hian E. Lungdar khua lo khawdang hming RD Block huamchhung ah ziahlan a awm lo. Tichuan, Mizoram sorkar in gazzete chhuah anga order chhuah hmasakber ah Pu T. Lalhmingmawia SDAO Zawlnuam chu E. Lungdar khuaa Block Agriculture Officer tura tih a ni.
Hetianga sorkarin E. Lungdar-a Block Agriculture Officer a dah chu duh lovin N. Vanlaiphai khawtlang hruaitute leh party hruaitute Aizawl ah rang taka tlan thla nghalin sorkar in Pu T. Lalhmingmawia E. Lungdar BAO atana a lo dah tawhna order chu diklo taka sut tirin tunhma pawha E. Lungdar AEO a lo awm tawh N. Vanlaiphai khawpa Pu Varzama chu E. Lungdar BAO atan dah a ni. Tichuan, a ni hian hunreilote N. Vanlaiphai atanga thawk in sawn leh a nih hnuah tunah hian Pu Vabeilaiku Chozah chu E. Lungdar BAO atana dah leh a ni. Hetiang hi thil awmdan dik tak a nih avangin N. Vanlaiphai hian E. Lungdar a Block Agriculture Officer awm tura gazette meuha lo chhuah tawh chu diklo takin an chuhpui zawk a ni tih Mizoram mipui ten lo hria se kan duh tak zet a ni.
N. Vanlaiphai NGO Co-ordination ten an Press Release a an tarlan N. Vanlaiphai BAO office sakna atan Rs 64,00,000 hmu anga an sawi hi thudiklo a ni a, hei hi bungrua leh thildang dahna tur Warehouse sakna atana sanctioned hi hmu an ni zawk tih Zoram mipui ten lo hria se kan duh hle. Tichuan, Government of Mizoram Agriculture department Notification No.A.11016/2/2019-AGR/Pt dated Aizawl the 30th January 2023 anga E. Lungdar-a Block Agriculture Office (BAO) dah a ni hi thil nihna tur dik tak sawibuai leh tur chuang awm lo a ni e.
Hetiang hi thil awmdan a nih laia tunhnaia E. Lungdar khuaa Block Agriculture Office a dah chungchangah thudik tawklo leh thubelhchian dawllo vawrhdarh a ni hi pawi kan ti tak zet a. Thudik tawklo tanchhana N. Vanlaiphai khua ten E. Lungdar khuaa Block Agriculture Office dah min chuhpui tlat hi pawi kan tiin NGO Coordination Committee hminga tidanglam leh tura diklo taka sorkar an nawr hi hriatthiam har kan ti hle. E. Lungdar Block Agriculture Office hi function thuai turin sorkar kan ngen a. Function tir lova a awm reng a nih chuan a tul dan ang zelin E. Lungdar khawtlangin hma kan la zel dawn a ni tih Mizoram mipui ten min lo hriatpui se kan duh a ni.
Sd/-ZORAMMAWIA RENTHLEI
Secretary
Village Council/Court
E. Lungdar.
________________________________
(Khawngaihin, i lo share darh ve ngei dawn nia aw!)
[News update awlsam taka i dawn theih nan telegram channel hi lo join ve ta che https://t.me/exploremizoramchannel ]
(Feedback at: admin@exploremizoram.com )
[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]
[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
[News update awlsam taka i dawn theih nan telegram channel hi lo join ve ta che https://t.me/exploremizoramchannel ]
(He website kal zel theih nan hian fakna lo langte hi i lo hmet ve thin dawn nia.)
Post a Comment
He post chungchanga i ngaihdan lo sawi ve rawh: