Ticker

10/recent/ticker-posts

GOLD MEDALIST | MZU MA Sociology Gold Medalist 2022 Lalnunpari

MZU MA Sociology Gold Medalist 2022 Lalnunpari kan belchiang.


Noi emaw Pari tia koh thin CGPA 7.663 hmua MZU MA Sociology Gold Medalist 2022 Lalnunpari hi R Runthanga leh Lalawmpuii te fa hmeichhe pathum zinga naupang ber niin, February 21, 1999 khan a lo piang a. An chhungkuain Tuikhuahtlang, Aizawl-ah an cheng a, Presbyterian kohhrana lawi an ni.

Lalnunpari hi HSSLC Art top 10 ah a lo lang tawh a, B.A Sociology kha subject topper niin a lo zo tawh bawk, tunah hian Gold Medalist a ni ta a ni.


Lalnunpari'n Explore Mizoram zawhnna a chhannate:
📌 Zirna lam:
~ Pawl 10 hi Synod Higher Secondary School atangin Kum 2015 khan ka pass a, Pawl 12 hi Oikos Higher Secondary School atangin Kum 2017-ah Distinction-ah Arts-ah 10na niin ka pass leh a. BA (Sociology) hi Pachhunga University College atangin kum 2020 khan Subject Topper niin MZU hnuaiah ka zova. MA (Sociology) hi Mizoram University ah zawmin kumin 2022 ah hian Gold Medalist niin ka zo ve leh a ni.


📌 I lehkha zir dan?
~ Theihtawp chhuaha lehkha zir chi ka ni a, chhun lama class a darkar 6 kan zir bakah hian in lamah darkar 6 – 8 tal lehkha ka zir thin a ni.


📌 Harsatna I hmachhawn dan?
~ Harsatna hrang hrang hi ka nei ve thin a. Heng harsatna te hi ka chhungte leh Pathian tanpuina in ka paltlang thin a ni.


📌 Gold medalist i nihna (Subject) leh CGPA?
~ MA Sociology, CGPA- 7.663


📌 Gold medalist ni tura i beih dan?
~ Kan zirtirtute leh keimahin a  pawmawih ka tih te thiam vek ka duh thin avangin midang te ka rawn kual ve thin a. Ka subject zir mek a mithiam bik nia ka hriat te pawh rawn kualin Pakhatna ni ngei turin ka bei tang tang a ni. Kan exam hun tur ka hriat hnu ah ka lehkha zir dan tur routine felfai takin ka siam a. Ka routine tibuai thei tur activities ah ka tel ve ngai lo a ni.


📌 Gold medalist ni tura i beihnaah faculty lamin an ṭawiawm/pui ṭha chein i hria em?
~ Kan zirtirtute hian an theihtawp chhuahin tanpui ka ngaihna laiah min tanpui a, min tawiawm tha hle a ni.


📌 I zirna atana i chhungte pawimawhna:
~ Ka zir na kawnga ka mamawh zawng zawng apiang min tih sak thin a. Lehkha tha taka ka zir theih nan ka nu leh ka pa, ka unau ten hun min siamsak a. Tin, ka lehkhazirlaia min tibuai thei tur boruak dang engmah an siam ngai lo a ni. 


📌 I zirna atana i ṭhiante pawimawhna:
~ Pathian zarah ka zirna lamah result tha tak ka neih thin avangin ka thiante hian ka neih zel theih nan min fuih nasa thin a, heng an mi fuihna te hi ka tan a hlu hle a ni.


📌 I duhzawng leh ngainat zawngte:
• Rawng - Blue
• Chawhmeh  - Alu leh Dal 
• Incheina – A hun leh hmun a zirin ka inchei tawp zel mai.
• Rimawi – Contemporary R&B
• Mizo Ziaktu zingah - Vanneihtluanga
• Hla - Hla hi chu ka mood a zirin ka ngaithla tlangpui.
• Hla phuahtu – K. Hminga 
• Teacher – Dawhthei taka kan thiamloh te pawh min hrilh tang tang peihtu te hi ka ngaina.
• Leader – Mahatma Gandhi.


📌 Mize ngainat zawng:
Mi inngaitlawm leh hlim thei tak te.


📌 Mize ngai nat loh zawng 
Mi chapo leh midang hmuhsit ching te.


📌 Hobby:
~ Hla ngaihthlak paha lam.


📌 Relationship status:
Nupui/Pasal neih hma te chu...🫢


📌 Kawppui atan duhzawng:
Pathian tih mi, mi fel leh inngaitlawm, keimah leh ka chhungte min hmangaih tu.


Zawhna dang:::
1. A tel lova i awm theih loh:
Pathian leh ka nu leh pa, ka unaute.


2. I nun kaihruaitu:
Pathian thu leh ka nu leh pa te thu.


3. Hringnuna i hlauh ber:
Accident avanga thih thut.


4. I tih ngai miah loh tur:
Mi te hmuhsit leh chungtlak.


5. Mizo Tualzal nuna ṭha i tih:
Mizo-te chhiatni thatni a kan inggaihsak tawnna te leh phutlet nei lo a midang te tana kan tlawmngaihna te hi a ropuiin tha ka ti.


6.  Quote i duh ber:
I can do all things through Christ who gives me strength. (Philippians 4:13)


7. Mizoram leh Mizo tualzal nuna Mizo hmeichhiate dinhmun: 
Hmanlai Mizo hmeichhiate dinhmun ngaihtuah let chuan tun a kan dinhmun hi a tha tawhin in hma kan sawn zel a. Zirna kawngah te, Inchhungkhurah te leh Khawtlang leh Kohhran lamah te pawh hmeichhia kan nih avanga indahhniamna te hi a bo ve tial tialin ka hria.


8. Hnam hmingṭhat leh hmingchhiat kawngah Hmeichhiate'n mawhphurhna:
Hmeichhiate kan dinhmun a thain hma kan sawn zel e kan tih lai hian a lehlamah kan hmingthat leh a bikin kan hmingchhiat hi a langsar thei em em a chuvang chuan, kan hnam zia te hrechiangin khawi hmunah pawh zahawm taka kan awm a ngai a ni.


9. Hnam ziarang chawinun kawnga Hmeichhiate mawhphurna:
Mahni hnamah chiang ila, kan hnam thuam leh kan hnam ziarang te a tidaltu ni loin a chawinungtu nih tum tlat ila. Khawi hmunah pawh eng ramah pawh awm mah i lang mahni hnam ziarang kan theihnghilh loh nan kan tu leh fate thinlungah kan tuh nghet tlat tur a ni.


10. Mizote tan 'Fa neih tlem' inzirtir hi a ṭulin i hria em? -
Tun kan Mizoram dinhmun en hi chuan 'Fa neih tlem' inzirtir hi a tulin ka hre lo.


11. Mizo hnam ṭhanmawh bawk nia i hriat?
Mizoram hi Kristian ram kan ni in ti siin sum thianghlimlo lamin kan inchhek lian duha, chu chuan rinawmlohna leh hlemhletna a ti pung zel a. Heti ang mi an awm thin avang hian kan ram than duha dik tak leh rinawm taka thawktute tan pawh in lungrualna tha a awm thei thin lova, hei hi kan hnam thanmawh bawk te zinga mi niin ka hria.


12. Mizo hnam damna atana  kawng awm nia i hriatte?
Ram hruaitute leh an hruai mipuite inlungrual taka ram hmasawnna atana kan tanrual chuan Mizo hnam dam nan a tha tawk hlein ka hria.


13. Hnam chhan nana Hmeichhiate ṭangkaina leh mawhphurna?
Thiamna sang tak nei a, ram tana ke pen thei tura hmeichhiate hian tan kan lak chuan hnam chhan nan mi tangkai tak kan ni thei a ni. Chutiang chu ram dang hmeichhiate atang pawhin kan hmu thei awm e!


14. Zirna, Khawtlang leh Kohhran hi?
Heng te hi lak hran hleihtheih loh an ni a. A pawimawh berah chuan keimahni lam kan insiamrem thiam a tul khawp mai.


15. Khawtlang, Kohhran leh nangmah:
Hengah te hian ka in hmang ve thina, amaherawhchu, zirlai ka nih angin ka zirnaah hlawhtlin ngei tuma ka beih a tul a, a zawng a zain ka inhmang lem lo. Kohhran leh khawtlang hruaitute pawn zirlai ka nih angin min hrethiam em em thin.


16. Social Media leh Nangmah:
Social Media platform hrang hrang hi chu ka khawih ve nual a, amaherawhchu, ka zirlai tibuai khawpin ka khawih lem lo.


17. Mizoram ṭhalai tam tak tlakchham:
Nu leh pa thuawih, Aia upa zah leh Taimakna


18. Mizo ṭhalaite hian ngaihsan tur dik an ngaisangin i hria em?
Mi chi hrang hrang mize inang lo leh duh zawng inang lo vek kan ni a, chuvangin, kan mi ngaihsan te atanga a dik leh dik lo in sawi sak hi a harsa khawp mai. Amaherawhchu, kan mi ngaihsan a chu eng mi pawh ni se kan ngaihsan tlak khawpa a thawhrimna leh a tumruhna te chu kan hmuh hmaih hauh loh tur niin ka hria.


19. Ngaihsan tur dik nia i hriat:
Mahni hnaa RINAWM leh DIK taka thawk thin te hi.


20. Hlawhtlinna tura pawimawh:
Taimakna, Tumruhna, Dawhtheihna leh Mahni inthunun theihna.


21. hloh i hlauh ber:
Tun dinhmunah chuan ka chhungkua hi hloh ka hlau ber.


22. Hnam dang nupui pasal neih hi-
Miin an dinhmun a zira hnam dang nupui/pasal an neih hian dem ngawt chi niin ka hre loa. Amaherawhchu mahni nawmsak duh vang ngawr ngawr a hnam dang neih leh thin ngawt hi chu thil dik ber chu a ni lo.


23. Nupui pasal inneih hmaa mipat hmeichhiatna hman hi?
A tha ka ti lo.


24. Hlawhtlinna hi?
Hlawhtlinna hi thawhrimna ah a inghhat tlat a. Tawrh laiin nuamlo mahse a tawpah rah duhawm tak a chhuah thin.


I thalaipuite tan fuihna:
Chhungkua, Kohhran, Khawtlang leh Ram tanna Hmantlak ni turin kan zavai hian tan ila ang u.


EXPLOREMIZORAM.COM i hmuh dan: 
~ Explore Mizoram Website hi a tha in a bengvar thlak thin ka ti hle a. Mipuite tan a in thawhrimna hi a hlu takzet. In kal zelna turah duhsakna sang ber ka hlan a che u. ❤️





(He website kal zel theih nan hian fakna lo langte hi i lo hmet ve thin dawn nia.)
 
[News update awlsam taka i dawn theih nan telegram channel hi lo join ve ta che https://t.me/exploremizoramchannel ]


(Feedback at: admin@exploremizoram.com )

[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]



(Website leh a hnuaia fakna hi lo hmet ve rawh.)
Post i hmuh dan

Post a Comment

0 Comments