March 15 hma in lo hal vek tur - Aizawl Bawrhsap

Aizawl the 14th February, 2022 : Aizawl DC Dr. Lalhriatzuali Ralte IAS, District Magistrate, Aizawl District chuan The Mizoram (Prevention and Control of Fire in the Village Ram) Rules, 2001 leh District Level Fire Prevention Committee, Ni 31 January 2022-a thukhawm thuchhuah bawh zuiin, Section 144 CrPC in thuneihna a pek angin a hnuaia khapna thupekte hi a tichhuak :-




1)Village Council/Local Council te hriatpuina leh phalna la hmasa lovin lo/huan hal phal a ni lo.
2) Lo/huan hal niah Village Council/Local Council in kangmei chhuak tur ven hnatlang huaihawt tur a ni.
3) Lo/Huan hal tur te chuan March 15, 2022 hma in hal vek tur a ni.

4) Mei lam tha tawk sial lovin tumahin huan/ram an hal tur a ni lo.

5) Lo leh huan vah bak tumahin tih kan loh tur.
6) Mihring nunna leh bungrua tana hlauhawm thei turin tumahin kangmei an ti chhuak tur a ni lo. 
7) Mi tumahin ram hnuaiah mei chhem ti mit lovin an kalsan tur a ni lo. 
8)Meikhu avanga thlawhna lut leh chhuak a buai loh nan, Lengpui Airport chhehvel khuate'n chawhnu dar 3 hnulamah chauh lo/huan hal tur a ni.

He thupek zawmlo te chu Section 188 IPC hmangin hrem an ni ang. He thupek hian chhuah a nih atanga thla hnih (2) chhung a huam ang.

- DIPR

Post a Comment

0 Comments