Mizoram Cyclist hriat hlawh, tun hnaia Vairengte aṭanga India, Burma leh Bangladesh inrina hmun Parva khua thleng Cycle hmanga inkhalh thleng Elzeta Varte i lo belchiang ang.
Elzeta Varte tia hriat hlawh Vanlallawmzuala Varte, hi VL Chhuanawma leh Rebecca Lalrinmawii fa 4 zinga a upa ber dawt tu ni in alo piang.
Elzeta Varte te unau hi mipa 3 leh hmeichhia 1 niin tunah hian Mission Vengah an cheng mek a ni.
Engtik atangin nge cycling hi i tui tan?
- 2013 kum tir lam khan Adventure a kan tel vanglai chho a nia, Cycling hi an uar vak loh avang khan kan Mission Youth Adventure Club member ami tho PC Lalramengmawia nen Siaha cycle lei chhin ila va kal ve tawp chhin ang kan tia, chu ta tang chuan kan tui chho tan.
Engtin chiah nge in zinkawng hmasa ber chu in tan dan?
- Cycling hi 2013 vel khan ti an awm mang loa, a mawng dup pawh kan la hre lo 😅min finchhuah tu tur an awm si loa a cycle seat te kha scooty seat thui naah kan thui dup chawp tir. Cycle chain te kha 2 spare kan paia kan zinna kha km 350 vel lek a ni sia, cycle chain te chu km 10000 ah pawh a chat lo a ni a 😅chu bakah brake pad leh kan keng hnem turu 😅!
Eng rilru pua Mizoram hmar tawp atanga chhim tawp thleng Cycle khalh ngata thleng nge i nih?
- TVS Apache sponsor hian 24hr endurance ride an bike fak pah nan Lungpuk Mizoram a khua chhim tawp a awm tawp atang Vairengte an lo tlan tawh a, Cycle a tih chakna ka nei ve taa kal ka tum ve ta a mahse Three country point - Parva hi India ramah tiang boundary nei State hi 4 vel bak an awm in ka hre lova, chu mi lama kala a hlut zia leh Tourist tan pawh a fan tlak anih zia thai lan ka duh bawk nen cycling promote pah ka duh bawk nen hemi three country point lam hi kal ka thlang ta zawk a ni.
Mizoram pumin kan hriat phah na che i zinkawng ah hian harsatna tawh leh buaithlak han tih deuh te i nei em?
- Ka cycle leh fitness-ah tak chuan Pathian zarah a awm lo, mahse kan Safety car kha Saibawh leh Vaseikai inkarah a tang nual a, pawh chhuah ngai khawp ten chu bak chu Pathian zarah expedition a kal tluang.
 |
| Pasalṭha ram chhuak hlawhtling YMA Mission veng branch in ropui takin an lo hmuak; Mizoram Tourism Director V Lalengmawia nen |
I zinkawng atangin Mizoram i hmuh dan leh hmasawn kan ngaihna lai ni a i hriat te?
- Mizoram hi a mawiin a bikin chhim lamah tlang mawi tak tak leh hmun danglam tak tak la tlawh pawh that loh a tam, chuan ka vei ber chu kawng a ni tawp mai 😅2021 a ni tawh a metal pawn a tlawh pawh loh kawng hi a tam turu lutuk. Parva phei chu fur laiin kawngpuia kal aiin lawng a kal a fuh zawk! Kawng hi kan mamawh ber lakna a ni a, hriselna te, current tha te leh ei tur tha nei tur pawn kawng bawk kan mamawh.
Eng tik aṭangin nge Vairengte - Parva kha i ṭan a, eng tikah nge i zawh?
- December 3 khan Vairengte-ah kan chhuk a December 4-ah ka lo inkhalh chho leh chuan ni 4 chhung Aizawl ah ruah a sur avangin Rally ah te awareness te nei pahin Aizawl-ah kan cham riha December 9-ah Aizawl aṭangin Parva panin kan chhuak leh a, December 13 ah Parva kan thleng.
(Dec 5 chu sunday a ni a, Dec 6 khan cycle Rally-ah awareness campaign kan nei a, Dec 7 ah ka khup ka entira chuan Dec 8 ruah a la sur avangin kan kal thei ta chuang lova, Dec 9 ah Parva panin Aizawl atangin kan chhuak leh. Dec 9 aṭang chuan khawiah mah kan chawl tawh lo.)
Elzeta Varte: Parva khua hi December 13-ah thlengin, December 14 hi awm hahdam pahin Siminasora khua a kawng tawp na ah kan zuk kal a. Siminasora ah cycle ka riaha keimahni chu kan haw leha chuan a tuk ah December 15 zing dar 4 ah Siminasora ah kal leh in kan cycle dah te chu la in India, Burma leh Bangladesh inrina tak 'Three Country Point' chu guide ho te nen ke in kan kal a ni.
 |
| December 13 tlai dar 4:53-ah Parva a Assam Rifles in an lo hmuak |
(Parva khua hi he lama Mizoram chhunga Mizo khaw tawp ber a ni a, Mizo National Front leh India in inremna an ziah dawna an innghah lailawkna khua kha a ni. 'Farewell to Gun' documentary video hlu takah khan hmuh tur a awm. - Editor)
• Vairengte kha engin nge i pan a, Parva aṭang khan engin nge i lo haw?!
- Motor kan hire a, Parva atang kha chuan North-South kan tum ber kan zo tawh a, Motor in kan lo haw.
• Cycling lam hi ṭhalaite tan intihhmuh chi a ni em?
- Tih hmuh chi lutuk e, over weight tan phei chuan ke a tlan hian kan khup hian min zo lo duh em em a, chu tiang chu cycling ah a thleng ve thei lo tluk a ni.
Kan member over weight ang a kan hriat ni 1 a km 100 tlan thei hi an tam lutuk, khup hi a rim viau ang in lang mahse a ti chak zawk daih, bakah, tunah Mizoram Sports Council ah te kan lut ve ta a, nakin lawkah National Rider te kan rawn nei chho ang a, Olympic a tel thei tur khawpin kan inchher chho mek.
• Cycling vang hian Kap cancer leh Mipa serh lamah harsatna a awm duh nia sawi a awm a, a dik reng em?
- Prostate Cancer hi sawi rik zeuh zeuh a awm a mahse, Science lama finfiahna mumal tak a awm chuang lo.
Tin, damdawiin hi han en ila cycling emaw exercise dang avanga cancer veia lut ai chuan zuk leh hmuam leh ei leh in uluk loh vanga cancer veia lut an tam zawk.
Duh zawng hrang hrangte:
Lehkhabu duh - nei hran lo
Hla - The scripts- Hall of Fame
Ziaktu - Mafaa Hauhnar
Actor/Actress - Dwayne Johnson
Zaithiam - Freddie Mercury
Hmun - Mawmrang tlang, Paithar tlang, Chalfilh tlang, Buannel 😅😅a tam lutuk.
Chawhmeh - Alu leh Dal
Relationship Status - Taken
Quote duh ber - Life's a climb but the view is grest.
Mize ngainat zawng - Nei em em lo, ka kawm thei vek 😅
Kawppui atan a duhzawng
- Nu lampang mahse a hun leh hmun a pa thei.
Mizo thalai te hnen a thuchah duh:
- Khawi hmunah pawh kan in picnic in bawlhhlawh i hnut chhiah lo hram ang u.
EXPLOREMIZORAM.COM i hmuh dan:
A hming a nalh in a huap zau khawp mai a, hriatna a ti-zau khawp mai. Followers/visitotrs ngah zel turin duhsakna ka hlan e.
- Omi Hmar
(Feedback at: admin@exploremizoram.com )
[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]
[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
(Website leh a hnuaia fakna hi lo hmet ve rawh.)
Counselors for relationships may utilize various therapeutic approaches depending on the needs and preferences of the couple. Some commonly used approaches include Emotionally Focused Therapy (EFT), Cognitive-Behavioral Therapy (CBT), the Gottman Method, and Solution-Focused Brief Therapy. Counselor for relationships
ReplyDeletePost a Comment
He post chungchanga i ngaihdan lo sawi ve rawh: