HINDI DIWAS PUAL: Mizorama Hindi Zirna hrang hrang te

Hindi hi September Ni 14, 1949 khan Union Government of India a hman atana Official Language pakhat ah pawm alo ni tawh a, chumi lawm nan leh hriat reng nan chuan Hindi Diwas ( Hindi Day) hi kumtin September Ni 14 ah hman a ni thin a ni. Union Government of India a Official Language pakhat atana Hindi pawm anih theih nana hma la tu langsar tak tak zingah  Beohar Rajendra Simha bakah mi pawimawh dang Hazari Prasad Dwivwdi, Kaka Kalelkar, Maithili Sharan Gupt leh Seth Govind Das te hi an tel a ni.

September Ni 14 Hindi Diwas ( Hindi Day) pualin Mizorama Hindi Zirna leh a zir theih dan hrang hrang te i han tarlang dawn teh ang. 

ELEMENTARY SECTION AH

Elementary kan tih hian Class-1 atanga Class 8 thleng a huam a. Elementary Section a Hindi subject hi Mizoram CBSE school ho ( KV, JNUK etc ) ah te chuan Class-1 atanga Class 8 thleng compulsory a ni. MBSE ah chuan Class 3 atang Hindi Subject awmin class-8 thleng compulsory a ni a, heihi a țhen ah chuan school thuneitute kutah a in nghah na chen a awm a, Primary school level ( class 1-4) a Hindi zirtirtu neihlohna school ah chuan Hindi hi zir a ni lemlo a, class 5-8 ah bik hi chuan private leh Government school ah te ( a khawi ve ve ah pawh) Hindi hi zir  a ni tlangpui.

SECONDARY AND SENIOR SECONDARY LEVEL

Secondary Level kan tih hian Class 9-10 a huam a. He mi level bikah hian CBSE ah chuan Hindi hi Compulsary Subject pakhat angin a awm a, amaherawh chu Hindi aiah hian subject dang opt theih a ni thung.  MBSE bikah hian Class 9 leh 10 ah Hindi awm mahse compulsory subject a ni tawh lova, Hindi subject atan Class regular a lak nimahsela final exam ah zirlaiten Hindi an  exam tel ve tawh lova, amaherawh chu Mizo subject aiah ala duh tan MIL ah Hindi lak theih a ni thung.

Senior Secondary/Higher Secondary Level ah Mizorama CBSE School ah Hindi hi compulsory subject pakhat angin awm mahsela, Hindi aiah subject dang a opt theih a, Hindi zir chhunzawm duhlo tan Hindi aiah subject lak tur dang thlan theih a ni. MBSE bikah Class 11 leh 12 ah Hindi a awm tawh lemlo a, naupang ala duh lo awm pawh nise MBSE Higher Secondary Level ah Hindi Zirtirtu an awm hriat a nilo.

UG LEVEL

UG Level kan tih hian 10+2 kan zawh hnu a Bachelor Degree kan zir te hi a huam a. Bachelor of Arts Hons in Hindi kan zir duh anih chuan Mizoram ah Zirna college pahnih Government Aizawl College ( GAC) Aizawl Mizoram ah leh Government Kamalanagar College Chawngte, Lawngtlai District  ah te hian Hindi Department changtlung tak a awm a ni. Heng  Govt.Aizawl College leh Govt.Kamalanagar College a BA Hons Hindi te hi Mizoram University hnuai a Hindi UG course kan neihte an ni.

UG Hindi Course hi Mizoram University hnuaia college 2 kan tarlan bakah hian IGNOU hnuaiah ( BA Hindi) zirna a awm bawk. 

Mizoram University leh IGNOU hnuaia BA Hindi course te hi UGC Approved UG course te an ni.

PG LEVEL

PG Level kan tih hian 10+2+3 kan zawh hnu a Master Degree Kum 2 kan zir hi a ni a, hemi atan hian Hindi bikah Mizoram ah Mizoram University ah Hindi Department a awm a, kumtin June/July thla ah entrance pe in MA Hindi zir tura exam theih a ni. Entrance pe tur hian BA Hindi UGC Approved Degree neih angai a, Entrance a tlingte hian Kum 2 chhung MA Hindi regular a zirin Lecturer leh Professor thiam tak tak te hnuaiah Master Degree Hindi Subject bikah an hlawh chhuak thei dawn a ni.

Mizoram University bakah hian IGNOU leh Mahatma Gandhi Open Hindi University hnuaiah MA Hindi Zirna hi Mizoram ah a awm bawk a, zirna 10+2+3 zawh hnu ah he course hi zir theih a ni.

A chunga kan sawi MA Hindi zirna Mizoram University, IGNOU leh Mahatma Gandhi Open Hindi University te hi UGC Approved an ni. 

Mizoram Hindi Prachar Sabha leh Wardha atanga Hindi zirte tan heng  Mizoram Hindi Prachar Sabha leh Wardha Board a Hindi  degree te hi UGC Approved degree anihloh avangin MA Hindi zirna atan ahman theihloh.

DOCTORATE LEVEL

Mizoram University Hindi Department ah Ph.D Hindi Course a awm a, Ph.D Hindi a Admission titur hian Zirna 10+2+3+2 level zawh angaia, tin MA Hindi ah 55% marks hmuh angai a ni.  UGC Approved UG leh PG Degree neilo tan Ph.D Hindi hi zir theih a ni lo. Ph.D course rei zawng hi Min 3 years, Max 5 years a ni.

Mizoram Hindi Prachar Sabha leh Wardha atanga Hindi zirte tan heng  Mizoram Hindi Prachar Sabha leh Wardha Board a Hindi  degree te hi UGC Approved degree anihloh avangin Ph.D Hindi entrance pekna atan hman theih a nilo tihna a ni.

SPECIAL HINDI BOARD THENKHAT TE

Mizoram ah Hindi zirna a Mizo te kan hnufual avangin leh Hindi lama mithiam indaihlohna avangin Hindi Board a pianga, a hmingah Mizoram Hindi Prachar Sabha tih a ni. Hindi Course Prathama atanga Praveen thleng zirna awmin heng Course te hi Mizorama Hindi Teacher te qualification atana Mizoram chhung bikah chauh ( Praboth= Class 10, Visharad = class 12, Praveen = BA)  pawm a ni a, zirna sang zawk zirna atan erawh UGC Approved course anihloh avangin hman theih a nilo. Hei bakah hian Wardha MaharASTRA Board hnuaiah Hindi zirna Mizoram ah hawn a ni a, Ratna course thleng awmin Ratna hi Mizorama Hindi Teacher te qualification atan BA anga pawm a ni.

Mizoram Hindi Prachar Sabha leh Wardha hnuaia Hindi Course te hi sawi tawh angin Mizorama Hindi Teacher te Qualification atan pawm ni mahsela, Zirna sang zawk zirna atan erawh hman theih a nilova, Zirna sang zawk bei tur chuan MBSE leh CBSE hnuaia Class 10/12 a Hindi subject lakte leh UGC Approved UG leh PG Degree neih angai a ni.

HIDNI TEACHER EDUCATION COURSE 

Teacher Education bikah Mizoram ah Hindi Teacher te tan huang zau tak a inhawng a. Mizoram Hindi Training College Dutlang ah Hindi Teacher te tan Diploma, D.El.Ed ( Praveen) leh B.Ed ( Parangat) training na a awm a, heta training tur hian Diploma zir tur tan Genral Class 10+ Hindi Praboth OR Class 10 with Hindi angaia, D.El.Ed zir tur tan Hindi Visharad + General Class 12 OR Class 12 with Hindi angaia, B.Ed zir tur tan Praveen/Ratna + BA General OR BA Hons Hindi OR BA with Hindi nih angai a ni. 

Heng Hindi Teacher Education Course ah te hian Teacher Education course pangngai bakah Pedagogy of Hindi a tel vek a ni.

TLIPNA

Hindi Zirna lama hma sawn deuh deuh kan mamawh a, tun aia nasa zawkin Hindi zir uar ila, India ram khua leh tui kan nihna angin Hindi zir leh thiam hi kan tih makmawh a ni tih i hrethar leh ang u. Hindi Diwas Chibai ule.

- Moses NG