RAMRI | MSU-in ramri buaina ching fel theih loh chuan Mizoram CM leh Home minister bang turin ngen

* Assama zofate fimkhur tuirn chah; Mizoram House leh Silchar Mission Compound-ah venhimna ṭha tak dah turin Mizoram sawrkar an ngen

Aizawl | July 26, 2021: Mizo Students’ Union (MSU) General Headquarters Aizawl chuan vawiin July ni 26-a Assam sawrkar chet danah thinrimthlak a ti tak zet a. Mizoram leh Assam ramri chin fel lova awm reng hi MSU chuan pawi a ti a, Mizo mipui duh dan anga Mizoram sawrkar chu che vat turin a phût bawk.

Thuchhuah siamin MSU chuan, "Ramri buaina hi an ching fel thei lo a nih chuan kan Chief Minister leh Home Minister chu bang ngam turin MSU chuan a ngen a ni." tiin an tarlang.


MSU chuan, "Assam Police ten kan Mizo Police te camp an lâk zawng zawng hi rang taka la let nghal turin Mizoram sawrkar kan ngen a, hei hi a thei lo a nih chuan zirlaite kan ram chin la let turin kan pên chhuak dawn a ni tih Mizoram sawrkar kan hriattir nghal bawk e." an ti a.

Kan boruakin buai lam a pan zual zel avangin Assam state chhunga Mizo awm te chu fimkhur turin MSU chuan a chah a, a bik takin Silchar-a awm te chu an sahimna ngaihtuah turin a râwn a.  Mizoram House leh Silchar Mission Compound-a venhimna ṭha tak dah turin Mizoram sawrkar an ngen nghal bawk a ni.

Post a Comment

0 Comments