Health Minister hovin COVID-19 hri kaite enkawlna hmun atanga chhuahtir dan tur chungchang sawiho

Vaccine pekchhuah kawngah Mizoram chu India rama titha 6-na a ni

Aizawl | July 16, 2021: Nimin khan Health Minister Dr. R. Lalthangliana hovin SAD Conference Hall, MINECO-ah Mizorama COVID-19 hri kaite enkawlna hmun atanga chhuah tir dan tur chungchang sawiho a ni a. He hunah hian Medical Operational Team on COVID-19 Chairman Dr. ZR Thiamsanga, Chief Secretary Pu Lalnunmawia Chuaungo, Health Secretary Pu R. Lalramnghaka, Health department hotu pawimawhte bakah Mizoram Kohhran Hruaitute Committee, Jt. NGO Coordination Committee, Aizawl City Local Council Association leh Medical Operational Team on COVID-19 aiawhte an tel a ni.


Nimin meetingah hian July ni 13, 2021-a Mizoram daktawr thiam rualte inrawnkhawmna Joint Consultation Meeting an neiha COVID-19 hri kaite enkawlna hmuna chhuah tir hun leh chhuahtir dan tur chungchanga rawtna an siamte sawiho a ni.

Joint Consultation Meeting aiawha vawiinm eetinga telte chuan Mizorama COVID-19 hri kaite zingah symptom nei tawh lo leh symptom nei mang lote rei tak tak khung reng hian anmahniah nasa takin rilru leh hriselna a nghawng tel thei tih an sawi a. COVID-19 hi hri chhuak thar a nih vangin a nihphung chiang taka zir chhoh zel a ni a, a tir lama kan hmuh dan leh hriat dante pawh khawvel ram hrang hrangah mithiamten an zirchiang zel a, a ziarang an hriatchian belh zel avangin hri kaite enkawl dan leh enkawlna hmuna chhuah tir dan te pawh an thlak danglam a ni. World Health Organisation (WHO), United States Centers for Disease Control and Prevention (U.S,CDC) leh Korea Centers for Disease Control and Prevention (Korea CDC) leh ram dang tam takin May thla khan scientific evidence an neih tawh atangin COVID-19 hri kaite enkawlna hmun atanga chhuah tir dan kalphung an thlak a, hemi hnu lawk hian Indian Council of Medical Research (ICMR) pawhin an tidanglam ve bawk tih an sawi a. He kalphung thar hi khawvel ram hrang hrang bakah India ram state zingah Mizoram tih lohn chuan an hman vek tawh thu an sawi a ni.

Rawtna tharah chuan India ram hmun dang ang leh khawvel ram hrang hranga an kalpui angin natna lang chhuak lo (asymptomatic) leh natna lang chhuak nasa lote (mild symptomatic) zingah natna hrik hmuhchhuah a nih atanga ni 10 hchhung uluk taka vil an ni ang a, hemi hun chhunga a tawp lam ni 3 (ni 7 – 10 inkar) khawsik an neih loh chuan ni 10 na ah test tawh lovin chhuah tir (discharged) an ni ang a, mahni in lamah uluk taka inchik chungin nunphung pangngai an zawh thei ang. Heng bakah hian disc harge chungchangah rawtna chi hrang hrang an siam a, sawrkarin a tul angin ruahmanna a siam zui dawn a ni.

COVOD-19 hri inkaichhawnna dan chah kawngah hmalak mek chun gchangte pawh sawiho a ni a, rawtna hrang hrang ngaihthlak niin uluk taka sawt zawk leh awmze nei zawka kalpui dan tur ruahman tum a ni.

Meetingah hian July ni 14, 2021 thleng khan Mizoramah vaccine dose 701646pekchhuah tawh a nih thu tarlan a ni a. First dose la mi 591778 leh awmin full dose la mi 109868 an awm tawh a ni. Electoral roll thar ber atanga chhutin Mizoramah vaccine la thei (kum 18 chunglam ) mi 775106 an awm a, heng zinga mi 76% hian vaccine an la tawh a ni.

Vaccine pekchhuah kawngah Mizoram chu India rama a titha ber 6 na a nih thu tarlan a ni a, a titha zual State/UT 6 te chu an tihthat dan indawtin hetiang hi a ni :

1. Dadra and Nagar Haveli and Daman and Diu
2. Ladakh
3. Sikkim
4. Lakshadweep
5. Goa
6. Mizoram

Post a Comment

He post chungchanga i ngaihdan lo sawi ve rawh:

Previous Post Next Post