CENTRAL YMA hruaitute'n Mizoram CS hmu; Mizo mipuite hmakhaw ngaia theihtawp chhuah turin ngen

Aizawl | July 5, 2021: Vawiin khan Central YMA Office Bearer ten Chief Secretary Pu Lalnunmawia Chuaungo chu hmu in Mizoram leh Assam ramri buai chungchanga Assam Chief Secretary nen an inbiak hunah Mizo mipuite hmakhaw ngaia theihtawp chhuah turin an ngen.

Tunhnaia Mizoram leh Assam ramri buaina thar lo awm leh tak avangin state pahnih Chief Secretary te chu ni 9 khian New Delhi ah an inbe dawn a, hemi chungchangah hian Central YMA OB te chuan Mizoram Chief Secretary Lalnunmawia Chuaungo chu hmu in Mizoram tana theihtawp chhuah turin an ngen a, Central YMA hruaitute hnenah  mizo mipuite hmakhaw ngaia tan lak a tum thu  Lalnunmawia Chuaungo hian alo hrilh a ni.

Central YMA hruaitute hian mahni duhthu a Tripura a pem thla tawh Bru te Mizoram Electoral Roll atanga paiha Tripura Electoral Roll a sawn an nih theih nan hmalakpui turin Chief Secy hi an ngen nghal bawk a ni.

- AIR News Aizawl

Post a Comment

0 Comments