Aizawl | June 11, 2021: Govt T Romana College Nationa Service Scheme (NSS) Unit chuan vawiin khan Aizawl Republic veng Community Covid Care Centre (4C) a hman tur medical kit thahnem tak an pe.
Thudawnnain a tarlan danin, Govt.T. Romana College NSS Unit chuan Covid-19 do nan vawiin khan Republic veng 4C ah Medical kid ṭhahnem tak an pe.
Hemi bakah hian Govt. T. Romana College NSS Unit hian Republic Veng LLTF hnenah pawh Covid -19 do nan hmanrua eng emawzat an lo pe tawh bawk a ni.
Hemi bakah hian vawiin vek khan Govt.T.Romana College Campus, Republic Vengthlang-ah GTRC Eco Club leh Beutification commiittee huaihawtin Green Mizoram Day pualin thing ṭiak an phun bawk.
Govt T Romana College hi Republic vengah a awm ṭhin a, tunah hiam Republic vengthlanga an hmun tharah insawin an awm tawh a ni. thawktute an ṭang hle a, an principal Dr Jennifer Lalbiakdiki kaihhruaina hnuaiah Kumin January 25 khan NAAC accredit B grade an lo nei tawh a ni. Zirlai zahnih chuang hleka 1992 a bul ṭan TRC hian tunah hian zirlai sang chuang an nei tawh a. Mizoram Pollution Board in green audit certified ah 'grade A' a lo pe tawh bawk a ni.
Post a Comment
He post chungchanga i ngaihdan lo sawi ve rawh: